ព័ត៌មានអន្ដរជាតិ

លោក Xi Jinping ឲ្យបញ្ចៀសការឡើងកម្ដៅថែមទៀតក្នុងជម្លោះនៅ អ៊ុយក្រែន

បានផុស

៣ years មុន

នៅ

ថ្ងៃសុក្រ ២ ធ្នូ ២០២២

ដោយ

ប្រធានាធិបតីចិនលោក Xi Jinping បាននិយាយនៅក្នុងកិច្ចប្រជុំជាមួយប្រធានក្រុមប្រឹក្សាអឺរ៉ុបលោក Charles Michel ក្នុងទីក្រុងប៉េកាំងកាលពីថ្ងៃព្រហស្បតិ៍ថា ប្រទេសចិនកំពុងអំពាវនាវឲ្យបញ្ចៀសការកើនឡើងកម្ដៅបន្ថែមទៀតក្នុងជម្លោះនៅអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយដកស្រង់សម្តីពីលោក Xi Jinping, ទូរទស្សន៍ចិន CCTV បានរាយការណ៍ថា “នៅក្នុងស្ថានភាពបច្ចុប្បន្ននេះ វាចាំបាច់ណាស់ក្នុងការបញ្ចៀសការកើនឡើងកម្ដៅ និងពង្រីកវិបត្តិកាន់តែធំថែមទៀត ហើយងាកមកបន្តការផ្ដល់ជំនួយដើម្បីបង្កើតឲ្យមានសន្តិភាព និងការរក្សាការចរចាជាដើម” ។

ទន្ទឹមនោះ ប្រធានាធិបតីចិនរូបនេះក៏បានកត់សម្គាល់ពីភាពចាំបាច់ក្នុងការគ្រប់គ្រងផលប៉ះពាល់នៃវិបត្តិអ៊ុយក្រែនផងដែរ ហើយត្រូវមានការប្រុងប្រយ័ត្នខ្ពស់ចំពោះហានិភ័យនៃការប្រឈមមុខដាក់គ្នាក្នុងប្លុកនេះជាដើម ។

គួរបញ្ជាក់ថា កាលពីថ្ងៃទី២៤ ខែកុម្ភៈ លោក Vladimir Putin បានចាប់ផ្តើមប្រតិបត្តិការយោធាពិសេសមួយនៅអ៊ុយក្រែន ដើម្បីឆ្លើយតបនឹងសំណើសុំជំនួយពីប្រមុខនៃសាធារណរដ្ឋ Donbass ។

បន្ទាប់មក លោកខាងលិចបានដាក់ទណ្ឌកម្មយ៉ាងខ្លាំងក្លាប្រឆាំងរុស្ស៊ី និងបង្កើនការផ្គត់ផ្គង់សព្វាវុធដល់រដ្ឋាភិបាលទីក្រុងកៀវ ដែលមានតម្លៃរាប់សិបពាន់លានដុល្លារ ៕