ព័ត៌មានអន្ដរជាតិ
ផ្ទុះភ្នំភ្លើងខ្ពស់បំផុតនៅលើកោះជ្វា បង្ខំឲ្យជម្លៀសអ្នកភូមិជិត ២ពាន់នាក់ (មានវីដេអូ)
ភ្នំភ្លើង Semeru ដែលផ្ទុះក្នុងប្រទេសឥណ្ឌូណេស៊ីកាលពីថ្ងៃអាទិត្យទី០៤ខែធ្នូ បានបាញ់ផេះឡើងទៅលើមេឃកម្ពស់១៥គីឡូម៉ែត្រ និងបង្ខំឲ្យមានការជម្លៀសមនុស្សជិត ២០០០នាក់ ខណៈអាជ្ញាធរ បានចេញការព្រមានខ្ពស់បំផុតសម្រាប់តំបន់នៅភាគខាងកើត កោះជ្វា។
មិនមានរបាយការណ៍ភ្លាមៗអំពីអ្នកស្លាប់ និងរបួសពីការផ្ទុះភ្នំភ្លើងនេះទេ ហើយក្រសួងដឹកជញ្ជូនរបស់ប្រទេសឥណ្ឌូណេស៊ី បាននិយាយថា មិនមានផលប៉ះពាល់ដល់ការធ្វើដំណើរតាមផ្លូវអាកាសឡើយ ប៉ុន្តែបានចេញការជូនដំណឹង ទៅព្រលានយន្តហោះក្នុងតំបន់ចំនួនពីរឲ្យមានការប្រុងប្រយ័ត្ន។
Semeru ដែលជាភ្នំភ្លើងខ្ពស់បំផុតនៅលើកោះជ្វា បានផ្ទុះឡើងកាលពីឆ្នាំមុន ដោយសម្លាប់មនុស្សជាង៥០នាក់ និងរាប់ពាន់នាក់ត្រូវជម្លៀសចេញ។
ទីភ្នាក់ងារកាត់បន្ថយគ្រោះមហន្តរាយឥណ្ឌូណេស៊ី (BNPB) បាននិយាយថា ពេលនេះ មនុស្សចំនួន ១៩៧៩នាក់ ត្រូវបានជម្លៀសទៅកាន់ទីសុវត្ថិភាពចំនួន១១ ហើយអាជ្ញាធរបានចែកចាយម៉ាសដល់ប្រជាជន។
ការផ្ទុះបានចាប់ផ្តើមនៅម៉ោង ២:៤៦ រំលងអធ្រាត្រថ្ងៃអាទិត្យ ហើយកិច្ចខិតខំប្រឹងប្រែងជួយសង្គ្រោះ ស្វែងរក និងជម្លៀសកំពុងបន្ត។
ដំបូងឡើយ ទីភ្នាក់ងារឧតុនិយមជប៉ុន បានប្រកាសអាសន្នសម្រាប់លទ្ធភាពដែលភ្នំភ្លើងនេះ អាចបង្កឲ្យមានរលកយក្សស៊ូណាមិ ប៉ុន្តែក្រោយមក បានលុបចោលវិញ។
ជាមួយនឹងភ្នំភ្លើងចំនួន១៤២, ឥណ្ឌូណេស៊ី ជាប្រទេសដែលមានប្រជាជនរស់នៅជិតភ្នំភ្លើងច្រើនជាងគេលើពិភពលោក ពោលគឺជាមធ្យមមានប្រជាជនចំនួន ៨.៦លាននាក់ដែលរស់នៅក្នុងរង្វង់ចម្ងាយ១០គីឡូម៉ែត្រ នៃភ្នំភ្លើងមួយ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Reuters
ចុចអាន៖ ផ្ទុះភ្នំភ្លើងខ្ពស់បំផុតនៅ ឥណ្ឌូណេស៊ី អាចបង្កឲ្យមានរលកយក្សស៊ូណាមិ
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន