ព័ត៌មានអន្ដរជាតិ
ការបោះឆ្នោតស្ទង់មតិ ៖ ពលរដ្ឋ អាមេរិក មិនចង់ឲ្យលោក បៃដិន ឈរឈ្មោះសម្រាប់អាណត្តិទី ២
បើយោងតាមការស្ទង់មតិរបស់ Newsweek បានរកឃើញថា ជិត ៦០ ភាគរយនៃអ្នកបោះឆ្នោតអាមេរិកមិនចង់ឲ្យលោកប្រធានាធិបតី ចូ បៃដិន ស្វែងរកអាណត្តិទី ២ នៅក្នុងតំណែងនោះទេ ដោយសារអ្នកបោះឆ្នោតទាំងនោះព្រួយបារម្ភជាចម្បងអំពីអាយុរបស់លោក ខណៈក៏មានការប្រឆាំងខ្លាំងក្លានៅក្នុងគណបក្សប្រជាធិបតេយ្យខ្លួនឯងផងដែរ ។
ការស្ទង់មតិដែលចេញផ្សាយកាលពីពេលថ្មីៗនេះបានរកឃើញថា ៥៨ ភាគរយនៃអ្នកបោះឆ្នោតមិនគាំទ្រលោក បៃដិន ឈរឈ្មោះ ខណៈ ៤២ ភាគរយលើកឡើងពីអាយុ ៨០ ឆ្នាំរបស់លោកប្រធានាធិបតីថាជាការព្រួយបារម្ភមួយបែប ។ មានតែ ៣០ ភាគរយប៉ុណ្ណោះដែលនិយាយថា លោក បៃដិន គួរតែឈរឈ្មោះបោះឆ្នោត ដោយ ១២ ភាគរយស្ថិតក្នុងភាពមិនប្រាកដប្រជា ។
លោក បៃដិន ដែលជាប្រធានាធិបតីចាស់ជាងគេបំផុតរបស់សហរដ្ឋអាមេរិក នឹងឈានដល់វ័យ ៨២ ឆ្នាំនៅក្នុងខែវិច្ឆិកា ឆ្នាំ ២០២៤ ។ គណបក្សសាធារណរដ្ឋបានប្រកាសជាយូរមកហើយថា ប្រធានាធិបតីរូបនេះកំពុងបង្ហាញសញ្ញានៃការថមថយការយល់ដឹង ជាពិសេសការនិយាយខុសច្រើនឡើងច្រើនសារ ក្នុងអំឡុងការថ្លែងជាសាធារណៈ ។
ក្រៅពីអាយុរបស់លោក, ១៦ ភាគរយនៃអ្នកបោះឆ្នោតស្ទង់មតិ បានលើកឡើងពីគោលនយោបាយសេដ្ឋកិច្ចរបស់លោក បៃដិន និង ៧ ភាគរយបានលើកឡើងពីចំណុចខ្លាំងនៃបេក្ខជនប្រជាធិបតេយ្យដ៏មានសក្តានុពលផ្សេងទៀតដែលជាហេតុផលសម្រាប់ប្រធានាធិបតីត្រូវចុះចេញពីតំណែងនៅឆ្នាំ ២០២៤ ។
ទោះយ៉ាងណាលោក បៃដិន មិនទាន់បានប្រកាសជាផ្លូវការនូវការឈរឈ្មោះជាបេក្ខភាពប្រធានាធិបតីរបស់គាត់នៅឡើយទេ ប៉ុន្តែបាននិយាយកាលពីខែមុនថា លោកមានបំណងឈរឈ្មោះម្តងទៀត ហើយលោកមិនត្រឹមតែប្រឈមមុខនឹងការប្រឆាំងពីអ្នកបោះឆ្នោតប៉ុណ្ណោះទេ ប៉ុន្តែថែមទាំងនៅក្នុងគណបក្សប្រជាធិបតេយ្យខ្លួនឯងផងដែរ ។
សម្រាប់ការស្ទង់មតិរបស់ Newsweek នេះដែរបានរកឃើញទៀតថា ៤៩ ភាគរយនៃអ្នកដែលមានសិទ្ធិបោះឆ្នោតក៏មិនចង់ឲ្យលោក ដូណាល់ ត្រាំ ឈរឈ្មោះជាបេក្ខភាពរបស់គណបក្សសាធារណរដ្ឋ នៅឆ្នាំ ២០២៤ ដូចគ្នា ដោយមានតែ ៣៩ ភាគរយប៉ុណ្ណដែលគាំទ្រយុទ្ធនាការទី ៣ របស់លោក ត្រាំ ៕
ប្រែសម្រួលដោយ ៖ ជីវ័ន្ត
ប្រភព ៖ RT
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង