អាសូរណាស់! ទារកទើបកើត១០នាក់ ស្លាប់ក្នុងអគ្គិភ័យមន្ទីរពេទ្យ ឥណ្ឌា

ទារកទើបកើតចំនួន១០នាក់បានស្លាប់ដោយសារអគ្គិភ័យ នៅមន្ទីរពេទ្យមួយក្នុងប្រទេសឥណ្ឌា ខណៈបុគ្គលិកប្រញាប់ប្រញាល់ជម្លៀសមនុស្សចេញនៅព្រឹកថ្ងៃសៅរ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទារក៧នាក់ត្រូវបានគេជួយសង្គ្រោះ ពីការឆាបឆេះនេះមុនពេលក្រុមពន្លត់អគ្គិភ័យទៅដល់មន្ទីរពេទ្យស្រុក Bhandara ក្នុងរដ្ឋ Maharashtra ភាគខាងលិច។

មូលហេតុនៃអគ្គិភ័យនេះមិនទាន់ត្រូវបានគេដឹងនៅឡើយទេ ហើយការស៊ើបអង្កេតកំពុងដំណើរការ។

ប្រព័ន្ធផ្សព្វផ្សាយក្នុងស្រុករាយការណ៍ថា កិច្ចខិតខំប្រឹងប្រែងជួយសង្គ្រោះត្រូវបានរារាំងដោយការផ្ទុះជាបន្តបន្ទាប់នៅក្នុងមន្ទីរពេទ្យ។ គិលានុប្បដ្ឋាយិកាម្នាក់និយាយថា នាងបានជូនដំណឹងអាជ្ញាធរបន្ទាប់ពីបានឃើញផ្សែងហុយ ចេញពីបន្ទប់ថែទាំទារកទើបនឹងកើតរបស់មន្ទីរពេទ្យ។

គ្រូពេទ្យឈ្មោះ Pramod Khandate បានប្រាប់អ្នកយកព័ត៌មានថា “អាជ្ញាធរមន្ទីរពេទ្យជួយសង្គ្រោះទារកបាន៧នាក់ប៉ុន្តែ១០នាក់បានស្លាប់នៅក្នុងឧប្បត្តិហេតុនេះ”៕

ប្រែសម្រួលដោយ៖ Vann Vann

ប្រភព៖ BBC