ធ្លាក់យន្តហោះដឹកអ្នកដំណើរនៅនេប៉ាល់ ស្លាប់មនុស្សច្រើននាក់ 

តាមព័ត៌មានបឋម មនុស្សចំនួន១៦នាក់បានស្លាប់បន្ទាប់ពីយន្តហោះដឹកអ្នកដំណើរ៧២កៅអីមួយគ្រឿង បានធ្លាក់លើផ្លូវរត់ នៅឯអាកាសយានដ្ឋានអន្តរជាតិ Pokhara ក្នុងប្រទេសនេប៉ាល់។

កាសែត Kathmandu Post បានរាយការណ៍ថា យន្តហោះរបស់ក្រុមហ៊ុន Yeti Airlines ដែលហោះចេញពីទីក្រុង Kathmandu ឆ្ពោះទៅតំបន់ Pokhara បានធ្លាក់នៅតំបន់ Pokhara នៃស្រុក Kaski។

បំណែកយន្តហោះត្រូវឆាបឆេះ ហើយក្រុមអ្នកជួយសង្គ្រោះព្យាយាមពន្លត់ភ្លើង។

មន្ត្រីក្នុងតំបន់លោក លោក Gurudutta Dhakal និយាយថា “ក្រុមសង្គ្រោះបានទៅដល់ទីនោះរួចហើយ ហើយព្យាយាមពន្លត់ភ្លើង។ ភ្នាក់ងារទាំងអស់កំពុងផ្តោតលើការជួយសង្គ្រោះអ្នកដំណើរ”។

ទោះបីជាយ៉ាងណាក៏ដោយ គេគិតថា ចំនួនអ្នកស្លាប់អាចកើនឡើងបន្ថែមទៀត៕

សម្រាប់ព័ត៌មាន Update កម្ពុជាថ្មី នឹងផ្សាយជូនជាបន្តបន្ទាប់!

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Hindustan Times

ចុចអាន៖ វីដេអូថតជាប់ស្តែងៗ យន្តហោះដឹកអ្នកដំណើរនេប៉ាល់ ផ្ងារជើងលើអាកាស មុនពេលធ្លាក់