ត្រឹម៣ថ្ងៃប៉ុណ្ណោះ យន្តហោះ៣គ្រឿងរបស់ក្រុមហ៊ុនតែមួយ មានបញ្ហាម៉ាស៊ីននៅលើអាកាស

យន្តហោះមួយគ្រឿងទៀតរបស់ក្រុមហ៊ុន Qantas ដែលធ្វើដំណើរចេញពីទីក្រុង មែលប៊ន ទៅកាន់ទីក្រុង ស៊ីដនី ត្រូវបង្ខំចិត្តហោះបកក្រោយ ពោលគឺប៉ុន្មានថ្ងៃប៉ុណ្ណោះ បន្ទាប់ពីយន្តហោះពីរគ្រឿងផ្សេងទៀតរបស់ក្រុមហ៊ុនដដែលនេះ មានបញ្ហាម៉ាស៊ីន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃសុក្រទី២០ខែមករា ក្រុមហ៊ុនអាកាសចរណ៍នេះអះអាងថា អ្នកបើកយន្តហោះនៃជើងហោះហើរ QF430 ត្រូវបានជូនដំណឹងអំពីបញ្ហាម៉ាស៊ីនតិចតួច ហើយបានសម្រេចចិត្តហោះបកក្រោយ និងចុះចតភ្លាមៗនៅទីក្រុងមែលប៊ន។

យន្តហោះ Boeing 737 បានហោះចេញពីអាកាសយានដ្ឋាន Tullamarine នៅម៉ោង ៩:២៨នាទីព្រឹក មុនពេលហោះបកក្រោយ និងវិលត្រលប់មកព្រលានវិញនៅ៥០នាទីក្រោយមក។

រឿងនេះកើតឡើងបន្ទាប់ពីអ្នកបើកយន្តហោះក្រុមហ៊ុន Qantas នៃជើងហោះហើរ QF144 ចេញពីទីក្រុង អុកឡេន ទៅកាន់ទីក្រុង ស៊ីដនី ខូចម៉ាស៊ីនលើអាកាស កាលពីថ្ងៃពុធ។

នៅថ្ងៃបន្ទាប់ ជើងហោះហើរ QF101 ត្រូវបង្ខំចិត្តវិលត្រលប់ទៅអាកាសយានដ្ឋានក្រុងស៊ីដនីវិញ បន្ទាប់ពីមានបញ្ហាមេកានិច អំឡុងពេលធ្វើដំណើរទៅកាន់ប្រទេសហ្វីជី៕

ប្រែសម្រួល៖ Vann Vann

ប្រភព៖ Daily Mail, NY Breaking

ចុចអាន៖ ទៅដល់ព្រលានចុះចត ទើបអ្នកដំណើរដឹងថា យន្តហោះដែលខ្លួនជិះ ខូចម៉ាស៊ីនតាំងពីលើអាកាស