ក្រុមហ៊ុនអាកាសចរណ៍ដដែល ១សប្តាហ៍មានបញ្ហាជាមួយយន្តហោះ៥គ្រឿង 

ជើងហោះហើររបស់ក្រុមហ៊ុន Qantas ឆ្ពោះទៅកាន់ទីក្រុងស៊ីដនី បានវិលត្រលប់ទៅប្រទេសហ្វីជីវិញ ជាការប្រុងប្រយ័ត្ន បន្ទាប់ពីអាកាសយានិក បានទទួលរបាយការណ៍អំពីផ្សែងនៅក្នុងកាប៊ីន។ នេះបើតាមការចុះផ្សាយរបស់គេហទំព័រ Daily Mail។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧបទ្ទវហេតុកាលពីល្ងាចថ្ងៃអាទិត្យទី២២ខែមករានេះ គឺជាបញ្ហាលើកទី៥ ដែលក្រុមហ៊ុននេះជួបប្រទះក្នុងរយៈពេលត្រឹមមួយសប្តាហ៍ប៉ុណ្ណោះ។

ភីឡុតយន្តហោះ Boeing 737 នៃជើងហោះហើរ QF102 ចេញពីទីក្រុង Nadi នៃប្រទេស ហ្វីជីឆ្ពោះទៅកាន់ទីក្រុង ស៊ីដនី បានស្នើសុំចុះចត ប៉ុន្តែមិនប្រកាសអាសន្នទេ។

ការ​ចង្អុល​បង្ហាញ​ដំបូង​គឺ​ថា ផ្សែងមានជាប់​ទាក់​ទង​នឹង​ឡ ​នៅ​ក្នុងផ្ទះបាយរបស់​យន្តហោះ។ ទោះបីជាយ៉ាងណាក៏ដោយ ផ្សែងបាន​រលាយ​បាត់ទៅ ហើយ​គ្មាន​នរណា​ម្នាក់​រង​ផល​ប៉ះ​ពាល់​ឡើយ។

ឧប្បត្តិហេតុនេះកើតឡើង បន្ទាប់ពីព្រឹត្តិការណ៍កាលពីប៉ុន្មានថ្ងៃមុន។

កាលពីថ្ងៃព្រហស្បតិ៍ទី១៩ខែមករា ក្រុមហ៊ុន Qantas និយាយថា ជើងហោះហើរ QF101 ដែលជាយន្តហោះ Boeing 737 ឆ្ពោះទៅទីក្រុង Nadi បានបកត្រលប់ទៅទីក្រុងស៊ីដនីវិញ បន្ទាប់ពីមាន បញ្ហាមេកានិច។

មួយថ្ងៃក្រោយមក ជើងហោះហើររបស់ក្រុមហ៊ុន Qantas ចំនួនបីទៀត ក៏បានហោះបកមកវិញផងដែរ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ត្រឹម៣ថ្ងៃប៉ុណ្ណោះ យន្តហោះ៣គ្រឿងរបស់ក្រុមហ៊ុនតែមួយ មានបញ្ហាម៉ាស៊ីននៅលើអាកាស