ព័ត៌មានអន្ដរជាតិ
ណាតូ នឹងមិនឲ្យ រុស្ស៊ី ឈ្នះសង្គ្រាមនៅ អ៊ុយក្រែន ដាច់ខាត
លោក Jens Stoltenberg អគ្គលេខាធិការអង្គការណាតូបាននិយាយកាលពីថ្ងៃសុក្រថា អង្គការណាតូនឹងមិនអនុញ្ញាតឲ្យរុស្ស៊ីឈ្នះសង្គ្រាមនៅអ៊ុយក្រែនដាច់ខាត ពីព្រោះថា “វានឹងក្លាយជាសោកនាដកម្ម” ។
ថ្លែងទៅកាន់អ្នកសារព័ត៌មាន អំឡុងពេលចូលរួមក្នុងសន្និសិទសន្តិសុខទីក្រុង Munich, លោក Stoltenberg ក៏បានរំលឹកឡើងវិញនូវការគាំទ្ររបស់អង្គការណាតូសម្រាប់អ៊ុយក្រែន ហើយលោកបានសង្កត់ធ្ងន់ថា សង្គ្រាមបានបង្ហាញពីសារៈសំខាន់នៃកិច្ចសហប្រតិបត្តិការយោធារវាងសហរដ្ឋអាមេរិក និងអឺរ៉ុប ។
ប្រមុខណាតូរូបនេះបញ្ជាក់ថា “យើងនឹងមិនអនុញ្ញាតឲ្យប្រធានាធិបតី វ្ល៉ាឌីមៀរ ពូទីន ឈ្នះសង្រ្គាមនេះនោះទេ ។ វានឹងក្លាយជាសោកនាដកម្មមួយសម្រាប់អ៊ុយក្រែន ប៉ុន្តែក៏មានគ្រោះថ្នាក់ខ្លាំងសម្រាប់យើងផងដែរ” ។
លោក Stoltenberg បានពន្យល់ថា អង្គការណាតូកំពុងធ្វើតាមកិច្ចសហប្រតិបត្តិការយោធាដ៏ជិតស្និទ្ធរវាងរុស្ស៊ី និងចិន ខណៈដែលពួកគេធ្វើលំហាត់សមយុទ្ធរួមគ្នា ទាំងការល្បាតជើងទឹក និងការល្បាតតាមអាកាសរួមគ្នា” ។
ជាចុងក្រោយលោកបាននិយាយទៀតថា “សង្គ្រាមនៅអ៊ុយក្រែនកំពុងបង្ហាញពីអសន្តិសុខមិនត្រឹមតែស្ថិតក្នុងតំបន់ទេ ប៉ុន្តែវាជាបញ្ហាសកល ហើយប្រសិនបើរុស្ស៊ីឈ្នះសង្គ្រាមនៅអ៊ុយក្រែន នោះនឹងប៉ះពាល់ដល់គោលនយោបាយការបរទេស និងសន្តិសុខរបស់ចិនផងដែរ” ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ អ៊ុយក្រែន អះអាងថា រុស្ស៊ី ទើបតែប្រើមីស៊ីលជំនាន់ឆ្នាំ ៦០ ប៉ុណ្ណោះ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង