ព័ត៌មានអន្ដរជាតិ
កងទ័ពចិន ប្រុងជើងការខ្ពស់ ក្រោយយន្តហោះចារកម្មអាមេរិក ឆ្លងកាត់ច្រកសមុទ្រតៃវ៉ាន់
អ្នកនាំពាក្យកងទ័ពចិន បាននិយាយថា ការហោះហើរនាពេលថ្មីៗនេះ របស់យន្តហោះចារកម្មអាមេរិក ឆ្លងកាត់ច្រកសមុទ្រតៃវ៉ាន់ គឺជាការគំរាមកំហែងដល់ស្ថិរភាពក្នុងតំបន់។ នេះបើតាមការចេញផ្សាយរបស់សារព័ត៌មាន China Daily កាលពីថ្ងៃចន្ទទី២៧ខែកុម្ភៈ។
យន្តហោះល្បាតប្រឆាំងនាវាមុជទឹក និងឈ្លបយកការណ៍ P-8A Poseidon បានហោះកាត់ច្រកសមុទ្រដែលពុះចែកចិនដីគោក និងកោះតៃវ៉ាន់កាលពីថ្ងៃចន្ទ បន្ទាប់មក ចិនក៏បានបញ្ជូនយន្តហោះ Su-27 ទៅហោះតាមដាននៅតាមផ្លូវរបស់វា។
វរសេនីយ៍ឯក Shi Yi អ្នកនាំពាក្យនៃបញ្ជាការដ្ឋានភាគខាងកើតរបស់កងទ័ពរំដោះប្រជាជនចិន បាននិយាយថា ទង្វើនេះបានធ្វើឲ្យខូចដល់ស្ថានភាពក្នុងតំបន់ និងធ្វើឲ្យប៉ះពាល់ដល់សន្តិភាព និងស្ថិរភាពនៅក្នុងតំបន់។ លោកបន្ថែមថា យោធាចិន កំពុងប្រុងជើងការខ្ពស់ ក្នុងការការពារយ៉ាងម៉ឺងម៉ាត់នូវអធិបតេយ្យជាតិ និងបូរណភាពទឹកដី។
ស្របពេលជាមួយគ្នានោះដែរ កងកម្លាំងអាមេរិកក្នុងតំបន់ បានទទួលស្គាល់ការធ្វើសមយុទ្ធនេះ។ បញ្ជាការដ្ឋានកងនាវាចរទី៧ បាននិយាយក្នុងសេចក្តីថ្លែងការណ៍មួយថា “សហរដ្ឋអាមេរិកនឹងបន្តហោះហើរ បើកនាវា និងប្រតិបត្តិការនៅគ្រប់ទីកន្លែងដែលច្បាប់អន្តរជាតិអនុញ្ញាត រួមទាំងក្នុងច្រកសមុទ្រតៃវ៉ាន់ផងដែរ”។
ត្រលប់ទៅខែមិថុនាឆ្នាំ២០២២ សហរដ្ឋអាមេរិកបានបញ្ជូនយន្តហោះ P-8A ចូលទៅក្នុងច្រកសមុទ្រតៃវ៉ាន់ ភ្លាមៗបន្ទាប់ពីទីក្រុងប៉េកាំងដាក់ពង្រាយយន្តហោះចំនួន២៩គ្រឿងចូលទៅក្នុងតំបន់កំណត់អត្តសញ្ញាណការពារដែនអាកាស (ADIZ) ដែលប្រកាសដោយខ្លួនឯង របស់តៃវ៉ាន់។
គួរបញ្ជាក់ថា ទំនាក់ទំនងចិន-អាមេរិក កំពុងជួបប្រទះភាពតានតឹងកាន់តែខ្លាំងឡើងៗ ដោយសារតែរឿងអាស្រូវ “បាឡុងចារកម្ម”។
បាឡុងកម្ពស់ខ្ពស់របស់ចិន បានឆ្លងកាត់ទ្វីបអាមេរិកនៅចុងខែមករា និងដើមខែកុម្ភៈ។ យ៉ាងណាក្តី ទីក្រុងប៉េកាំងធានាថា វាគឺជាយានពិនិត្យអាកាសធាតុដែលហោះខុសផ្លូវ ខណៈមន្ទីរបញ្ចកោណអះអាងថា វាគឺជាផ្នែកនៃបណ្តាញឃ្លាំមើលដ៏ធំនៃយានចារកម្ម ហើយបានបាញ់ទម្លាក់វា។
ដោយសាររឿងនេះ រដ្ឋមន្ត្រីការបរទេសអាមេរិក លោក Antony Blinken បានលុបចោលគម្រោងធ្វើដំណើរទៅកាន់ប្រទេសចិន ខណៈទីក្រុងប៉េកាំងបានចោទប្រកាន់ទីក្រុងវ៉ាស៊ីនតោនថា “ប្រតិកម្មហួសហេតុពេក”៕
ប្រែសម្រួល៖ Vann Vann
ប្រភព៖ RT
ចុចអាន៖ សេតវិមាន៖ អាមេរិក ចាំបាច់ត្រូវមានទំនាក់ទំនងយោធាជាមួយ ចិន ដើម្បីចៀសវាងការកើនឡើងភាពតានតឹង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ