ព័ត៌មានអន្ដរជាតិ

តុលាការឥណ្ឌូណេស៊ី កាត់ទោសមន្ត្រីបាល់ទាត់ម្នាក់ ពាក់ព័ន្ធការរត់ជាន់គ្នាក្នុងកីឡដ្ឋាន

បានផុស

២ ខែ មុន

នៅ

ថ្ងៃព្រហស្បតិ៍ ៩ មីនា ២០២៣

ដោយ

តុលាការឥណ្ឌូណេស៊ីនៅថ្ងៃព្រហស្បតិ៍ទី០៩ខែមីនា បានរកឃើញថា មន្ត្រីបាល់ទាត់ជាន់ខ្ពស់ម្នាក់ មានពិរុទ្ធ ពីបទធ្វេសប្រហែសចំពោះតួនាទីរបស់គាត់ ដែលបណ្តាលឲ្យមនុស្សចំនួន១៣៥នាក់ស្លាប់ ក្នុងអំឡុងពេលមនុស្សរត់ជាន់គ្នា ក្នុងការប្រកួតមួយនៅខេត្ត East Java កាលពីឆ្នាំមុន ដែលហេតុការណ៍នោះ បានក្លាយជាគ្រោះមហន្តរាយដ៏អាក្រក់មួយ នៅក្នុងប្រវត្តិសាស្ត្រកីឡា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចៅក្រមបានកាត់ទោសលោក Abdul Haris ប្រធានគណៈកម្មាធិការរៀបចំក្លិបបាល់ទាត់ Arema FC ឲ្យជាប់ពន្ធនាគាររយៈពេលមួយឆ្នាំកន្លះ ដែលនេះជាការកាត់ទោសឲ្យជាប់ពន្ធនាគារលើកដំបូង ទាក់ទងនឹងសោកនាដកម្មនោះ។

លោក Haris ត្រូវបានគេរកឃើញថា ជាអ្នកទទួលខុសត្រូវចំពោះការលក់សំបុត្រច្រើនពេកពោលគឺលើសកម្រិតអតិបរមារបស់កីឡដ្ឋាន។

ប៉ូលិសបានបាញ់ឧស្ម័នបង្ហូរទឹកភ្នែក បន្ទាប់ពីអ្នកគាំទ្រក្រុម Arema FC រត់ចូលទីលានប្រកួត បន្ទាប់ពីចាញ់គូប្រជែង Persebaya Surabaya កាលពីថ្ងៃទី០១ខែតុលាឆ្នាំ២០២២ ដែលបង្កឲ្យមានការរត់ជាន់គ្នា ពេលមនុស្សរត់សំដៅទៅច្រកចេញ។

ការស៊ើបអង្កេតកាលពីឆ្នាំមុនបានសន្និដ្ឋានថា ឧស្ម័នបង្ហូរទឹកភ្នែកគឺជាមូលហេតុចម្បងបង្កឲ្យមានការស្លាប់។ វិធានការគ្រប់គ្រងហ្វូងមនុស្សបែបនេះ គឺត្រូវបានហាមឃាត់ដោយ FIFA៕

ប្រែសម្រួល៖ Vann Vann

ប្រភព៖ CNN

ចុចអាន៖ ឥណ្ឌូណេស៊ី ចោទប្រកាន់មនុស្ស ៦នាក់ ពាក់ព័ន្ធហេតុការណ៍រត់ជាន់គ្នាក្នុងកីឡដ្ឋាន