មហាសេដ្ឋីលេខមួយនៅលើពិភពលោក Elon Musk មានគម្រោងជះលុយរាប់ពាន់លានដុល្លារ សាងសង់ទីក្រុងមួយលើផ្ទៃដីរាប់ពាន់ហិកតានៅរដ្ឋ Texas​ សម្រាប់បុគ្កលិករបស់លោករស់នៅ និងធ្វើការ ។

គម្រោងរបស់មហាសេដ្ឋី​ Elon Musk គ្រោងសាងសង់ទីក្រុងដែលមានចម្ងាយ​ ៥៦ គីឡូម៉ែត្រពីក្រុង Austin ។ ទីក្រុងមួយនេះសង់ឡើងសម្រាប់បុគ្គលិកក្រុមហ៊ុន​ Tesla, ក្រុមហ៊ុន SpaceX និងក្រុមហ៊ុន Boring ជួលសម្រាប់រស់នៅ​ក្នុងតម្លៃពិសេស ពោលទាបជាងទីផ្សារ ។

ដូចគ្នានេះ នាយកប្រតិបត្តិក្រុមហ៊ុន Boring លោក Steve Davis ក៏ចង់សាងសង់ទីក្រុងក្នុងរដ្ឋ Texas ជានិរន្តន៍តែម្តងដើម្បីបន្ថែមពីលើក្រុង Austin ។

គួរបញ្ជាក់ថា ការសាងសង់ទីក្រុងលំនៅដ្ឋាននេះ គឺគ្រោងសង់នៅក្បែរ​ក្រុមហ៊ុន SpaceX និងក្រុមហ៊ុន Boring ដែលបច្ចុប្បន្ន ទីស្នាក់ការក្រុមហ៊ុន​ទាំងពីរនេះ កំពុងតែសាងសង់នៅទីក្រុង​ Austin រដ្ឋ Texas ដូចគ្នា ៕

ប្រែសម្រួលដោយ ៖ នាង រតនៈ

ប្រភព ៖ Sputnik

ចុចអាន ៖ ការសិក្សារកឃើញថា សត្វកណ្តុររាប់លានក្បាល នៅទីក្រុងញូវយ៉ក អាចមានជំងឺកូវីដ១៩