អស្ចារ្យ! អង្គរវត្ត ជាប់លេខ១លើលោក ជាកន្លែងមើលថ្ងៃរះ ល្អដាច់គេ (មានវីដេអូ)

គេហទំព័ររបស់ចក្រភពអង់គ្លេស Mornings.co.uk បានប្រមូលទិន្នន័យពីក្រុមហ៊ុនទេសចរណ៍អាមេរិក Tripadvisor ដើម្បីស្វែងរកកន្លែងមើលថ្ងៃរះ ល្អដាច់គេនៅលើពិភពលោក ប្រចាំឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាសាទអង្គរវត្តនៃប្រទេសកម្ពុជា ដែលជាតំបន់បេតិកភណ្ឌពិភពលោករបស់អង្គការយូណេស្កូ ត្រូវបានគេវាយតម្លៃថាជាកន្លែងល្អបំផុតសម្រាប់មើលថ្ងៃរះ។

ប្រាសាទ​អង្គរវត្ត ទទួលបានសំឡេងឆ្នោត ១០៤០៤សំឡេង ពោលគឺទទួលបានសំឡេងឆ្នោតលើសទីតាំងនៅចំណាត់ថ្នាក់លេខ២ ដល់ទៅជាងទ្វេដងឯណោះ។

ភ្នំភ្លើង Haleakala នៅលើកោះ Maui នៃរដ្ឋហាវ៉ៃ របស់សហរដ្ឋអាមេរិក ស្ថិតនៅលំដាប់ទី២ ខណៈប្រាសាទ Taj Mahal របស់ប្រទេសឥណ្ឌា ជាប់លេខ៣ ចំណែកប្រាសាទ Borobudur នៅលើកោះជ្វា របស់ប្រទេសឥណ្ឌូណេស៊ី ជាប់លេខ៤ រីឯថ្ម Uluru នៅប្រទេសអូស្រ្តាលី ជាប់លេខ៥។

ទន្ទឹមនោះ ភ្នំ Sarangkot របស់ប្រទេសនេប៉ាល់ ជាប់លេខ៦, ប្រាសាទ Bagan របស់ប្រទេសមីយ៉ាន់ម៉ា ជាប់លេខ៧, ភ្នំ Adam’s Peak របស់ប្រទេសស្រីលង្កា ជាប់លេខ៨, ស្ពាន Charles របស់ឆែកជាប់លេខ៩ និង Machu Picchu របស់ប្រទេសប៉េរូ ជាប់លេខ១០៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Arab News

ចុចអាន៖ អាជ្ញាធរជាតិអប្សរា អនុវត្តវិធានការបញ្ចៀសសត្វប្រចៀវ នោម-ជុះ ប៉ះពាល់ប្រាសាទអង្គរវត្ត