Connect with us

ព័ត៌មានអន្ដរជាតិ

រុស្ស៊ី និងអាមេរិក ចោទដាក់គ្នា ជុំវិញហេតុការណ៍ធ្លាក់យន្តហោះ នៅសមុទ្រខ្មៅ

បានផុស

នៅ

យន្តហោះគ្មានមនុស្សបើក MQ-9 Reaper របស់កងទ័ពអាកាសអាមេរិក បានធ្លាក់កាលពីថ្ងៃអង្គារទី១៤ខែមីនា នៅសមុទ្រខ្មៅ បន្ទាប់ពីអ្វីដែលទីបញ្ជាការអឺរ៉ុប (EUCOM) របស់ខ្លួនពណ៌នាថាជា “ការស្ទាក់ចាប់ដែលមិនមានសុវត្ថិភាព និងគ្មានវិជ្ជាជីវៈ” ដោយយន្តហោះរុស្ស៊ីចំនួន២គ្រឿង។

យន្តហោះគ្មានមនុស្សបើក MQ-9 Reaper
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

EUCOM បាននិយាយនៅក្នុងសេចក្តីថ្លែងការណ៍មួយថា វេទិកាចារកម្ម ឃ្លាំមើល និងឈ្លបយកការណ៍ កំពុងធ្វើឡើងក្នុងដែនអាកាសអន្តរជាតិ នៅពេលយន្តហោះ ហោះជិតគ្នា។ យន្តហោះចម្បាំង Su-27 មួយគ្រឿង បានវាយប្រហារស្លាបចក្ររបស់យន្តហោះគ្មានមនុស្សបើក MQ-9 ដូច្នេះហើយ ប្រតិបត្តិករបានសម្រេចចិត្តបញ្ជាយន្តហោះឲ្យធ្លាក់ចូលទៅក្នុងសមុទ្រ។

យោធាអាមេរិក ត្អូញត្អែរថា “ជាច្រើនដងមុនការប៉ះទង្គិចគ្នា យន្តហោះ Su-27 បានចាក់សាំងហើយហោះនៅពីមុខ MQ-9 ក្នុងលក្ខណៈដែលមិនប្រុងប្រយ័ត្ន និងគ្មានវិជ្ជាជីវៈទាល់តែសោះ។ យោធាអាមេរិក ថែមទាំងចោទប្រកាន់ រុស្ស៊ីទៀតថា “ខ្វះសមត្ថភាព”។

យន្តហោះចម្បាំង Su-27

ស្របពេលជាមួយគ្នានោះ EUCOM បានគូសបញ្ជាក់ថា ជាប្រចាំសហរដ្ឋអាមេរិក បានប្រតិបត្តិការយន្តហោះគ្មានមនុស្សបើកនៅក្នុងដែនអាកាសអន្តរជាតិ ដើម្បីពង្រឹងការការពារ និងសន្តិសុខអឺរ៉ុបរួម ហើយគាំទ្រសម្ព័ន្ធមិត្ត ដៃគូ និងគោលដៅជាតិរបស់សហរដ្ឋអាមេរិក។

ទោះបីជាយ៉ាងណាក៏ដោយ ក្រសួងការពារជាតិរុស្ស៊ី បានចេញមុខបដិសេធការអះអាងរបស់យោធាអាមេរិក។

ក្រសួងនិយាយថា យន្តហោះគ្មានមនុស្សបើក កំពុងហោះហើរឆ្ពោះទៅព្រំដែនរុស្ស៊ីដោយគ្មានឧបករណ៍បញ្ជូនសកម្ម ជាការរំលោភយ៉ាងច្បាស់លើតំបន់ហាមឃាត់ ដែលត្រូវបានបង្កើតឡើងសម្រាប់ប្រតិបត្តិការយោធាពិសេស។

យន្តហោះចម្បាំង Su-27

ក្រសួងការពារជាតិបាននិយាយនៅក្នុងសេចក្តីថ្លែងការណ៍មួយថា “ជាលទ្ធផលនៃការធ្វើសមយុទ្ធយ៉ាងមុតស្រួច យន្តហោះគ្មានមនុស្សបើក MQ-9 បានធ្វើការហោះហើរដែលមិនអាចគ្រប់គ្រងបាន វង្វេងរយៈកម្ពស់ និងបុកជាមួយផ្ទៃទឹក។ យោធារុស្ស៊ី មិនបានប្រើប្រាស់អាវុធឬផ្តាច់ទំនាក់ទំនងជាមួយយន្តហោះគ្មានមនុស្សរបស់អាមេរិកឡើយ ហើយបានត្រឡប់ទៅមូលដ្ឋានវិញដោយសុវត្ថិភាព”។

គួរបញ្ជាក់ថា ហេតុការណ៍រវាងយន្តហោះនៃប្រទេសទាំងពីរ បានកើតឡើងនៅម៉ោង ៧:០៣ នាទីព្រឹក (ម៉ោងនៅអាមេរិក)៕

ប្រែសម្រួល៖ Vann Vann

ប្រភព៖ RT, BBC

ចុចអាន៖ អាមេរិក ប្តេជ្ញាពង្រឹងឃ្លាំងអាវុធនុយក្លេអ៊ែរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៣៧ នាទី មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៣ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៣ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានអន្ដរជាតិ៤ ម៉ោង មុន

អាមេរិក ជប៉ុន និងកូរ៉េខាងត្បូង រួមដៃគ្នាធ្វើកិច្ចសហប្រតិបត្តិការដោះស្រាយ​ការបាញ់មីស៊ីលរបស់ កូរ៉េខាងជើង

Sokha Hotels

ព័ត៌មានពេញនិយម