ភីឡុតចិន ឬរុស្សី ដែលមានចិត្តឆេវឆាវ បើកយន្តហោះចូលទៅកៀកយន្តហោះអាមេរិក បណ្តាលឲ្យបុកគ្នាដោយចៃដន្យ គឺជារឿងដែលអាចឈានទៅដល់ការផ្ទុះជម្លោះ។ នេះបើយោងតាមមេទ័ពអាមេរិក។

ឧត្តមសេនីយ៍ David Berger មេបញ្ជាការកងម៉ារីនអាមេរិក បាននិយាយថា “នេះប្រហែលជាការព្រួយបារម្ភដ៏ធំបំផុតរបស់ខ្ញុំ ទាំងនៅទីនោះ និងនៅតំបន់ប៉ាស៊ីហ្វិក។ អ្នកបើកយន្តហោះរុស្ស៊ី ឬចិន ឬ កាពីទែននាវាដែលឆេវឆាវ នឹងបណ្តាលឲ្យមានការប៉ះទង្គិចគ្នា”។

ការព្រមាននេះកើតឡើងនៅថ្ងៃពុធ ប៉ុន្មានម៉ោងបន្ទាប់ពីយន្តហោះរុស្ស៊ី Su-27 បាញ់ទម្លាក់យន្តហោះគ្មានមនុស្សបើក MQ-9 Reaper លើសមុទ្រខ្មៅ។

មន្ត្រីអាមេរិកបានចោទប្រកាន់យន្តហោះរុស្ស៊ីពីរគ្រឿងថា បានធ្វើការស្ទាក់ចាប់ដែលមិនមានសុវត្ថិភាព និងគ្មានវិជ្ជាជីវៈ ហើយបានកោះហៅឯកអគ្គរដ្ឋទូតរបស់ទីក្រុងមូស្គូប្រចាំនៅសហរដ្ឋអាមេរិកដើម្បីតវ៉ា៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ រុស្ស៊ី និងអាមេរិក ចោទដាក់គ្នា ជុំវិញហេតុការណ៍ធ្លាក់យន្តហោះ នៅសមុទ្រខ្មៅ