ព័ត៌មានអន្ដរជាតិ
ប្រធានសភាអាមេរិកព្រមានសមាជិកណាដែលសមគំនិតក្នុងកុបកម្មវិមានកាពីតូលប្រឈមនឹងការកាត់ទោស
ប្រធានសភាអាមេរិកលោកស្រី Nancy Pelosi បាននិយាយកាលពីថ្ងៃសុក្រថា សមាជិកសភាណាដែលបានជួយ និងសមគំនិតក្រុមកុបកម្ម អំឡុងការវាយប្រហារវិមានកាពីតូលដ៏ឃោឃៅកាលពីថ្ងៃទី ៦ ខែមករា ប្រឈមមុខនឹងការកាត់ទោសព្រហ្មទណ្ឌ ។
លោកស្រី Pelosi បាននិយាយនៅក្នុងសន្និសីទកាសែតថា “ប្រសិនបើការពិតត្រូវបានរកឃើញថាសមាជិកសភាគឺជាអ្នកសមគំនិតក្នុងការបះបោរនេះ ហើយប្រសិនបើពួកគេជួយ និងជំរុញមានការញុះញង់នោះ ការដាក់ទោសត្រូវតែមាន” ។
ទន្ទឹមនោះប្រធានសភារូបនេះបានជ្រើសយកឧត្តមសេនីយឯក Russel L. Honouré មេបញ្ជាការកងទ័ពចូលនិវត្តន៍ដើម្បីធ្វើការពិនិត្យឡើងវិញជាបន្ទាន់នូវហេដ្ឋារចនាសម្ព័ន្ធសន្តិសុខ ដំណើរការ និងនីតិវិធីអន្តរកម្មព្រមទាំងកាបញ្ជា និងត្រួតពិនិត្យសកម្មភាពនេះជាដើម ។
នៅពេលត្រូវបានគេសួរអំពីការចោទប្រកាន់របស់ក្រុមអ្នកប្រជាធិបតេយ្យក្នុងសភាមួយចំនួនដែលថាក្រុមកុបកម្មប្រហែលជាត្រូវបានជួយដោយសមាជិកសមាជិកាសភា លោកស្រី Pelosi បាននិយាយថា រឿងនេះកំពុងត្រូវបានគេពិចារណា ។
លោកស្រីបាននិយាយថា “ដើម្បីបម្រើការឲ្យគ្នាទៅវិញទៅមក យើងត្រូវជឿជាក់ថា ប្រជាជនមានការគោរពចំពោះការស្បថចូលកាន់តំណែងរបស់ពួកគេដោយគោរពស្ថាប័នមួយនេះ ។ យើងត្រូវតែជឿទុកចិត្តគ្នាទៅវិញទៅមក គោរពអ្នកដែលបានបោះឆ្នោតឲ្យយើងមកទីនេះ ហើយយើងក៏ត្រូវតែមានការពិតដែរ” ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ត្រាំ ប្រាប់ពេលវេលាចាកចេញពីសេតវិមាន
ចុចអាន ៖ ការហាត់សមត្រៀមសម្រាប់ពិធីឡើងកាន់តំណែងរបស់លោក Biden ត្រូវពន្យារពេល ព្រោះបញ្ហាសន្តិសុខ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ