ការហាត់សមត្រៀមសម្រាប់ពិធីឡើងកាន់តំណែងរបស់លោក Biden ត្រូវពន្យារពេល ព្រោះបញ្ហាសន្តិសុខ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ការហាត់សមត្រៀមសម្រាប់ពិធីឡើងកាន់តំណែងរបស់លោក Biden ត្រូវពន្យារពេល ព្រោះបញ្ហាសន្តិសុខ

Published

on

សារព័ត៌មាន Politico បានរាយការណ៍នៅថ្ងៃសុក្រនេះថា ការហាត់សមសម្រាប់ពិធីឡើងកាន់តំណែងប្រធានាធិបតីជាប់ឆ្នោតសហរដ្ឋអាមេរិកលោក Joe Biden ដែលត្រូវបានរៀបចំធ្វើដំបូងក្នុងទីក្រុងវ៉ាស៊ីនតោននៅថ្ងៃអាទិត្យត្រូវបានពន្យារពេលមួយថ្ងៃដោយសារបញ្ហាសន្តិសុខ ។

ប្រភពបានប្រាប់កាសែតខាងលើថា ការហាត់សមពេលនេះត្រូវបានគេរំពឹងថានឹងធ្វើឡើងនៅថ្ងៃចន្ទវិញ ។ ទន្ទឹមនោះក្រុមរបស់លោក Biden ក៏បានលុបចោលការធ្វើដំណើរតាមរថភ្លើងដែលគ្រោងនឹងធ្វើនៅថ្ងៃចន្ទពីទីក្រុង Wilmington រដ្ឋ Delaware ទៅកាន់ទីក្រុងវ៉ាស៊ីនតោន ដោយសារតែបញ្ហាសន្តិសុខដូចគ្នានេះ ។

ភាពតានតឹងស្ថិតក្នុងកម្រិតខ្ពស់នៅទីក្រុងវ៉ាស៊ីនតោនមុនពិធីស្បថចូលកាន់តំណែងរបស់លោក Biden ដែលគ្រោងធ្វើនៅថ្ងៃទី ២០ ខែមករា បន្ទាប់ពីអ្នកគាំទ្រប្រធានាធិបតី Donald Trump បានសម្រុកចូលវិមានកាពីតូលអាមេរិកកាលពីថ្ងៃទី ៦ ខែមករា ។

ប្រធានការិយាល័យស៊ើបអង្កេតសហព័ន្ធ (FBI) លោក Christopher Wray បាននិយាយនៅក្នុងសន្និសីទកាសែតមួយកាលពីថ្ងៃព្រហស្បតិ៍ថា មន្រ្តីអនុវត្តច្បាប់មានការព្រួយបារម្ភអំពីសក្តានុពលនៃអំពើហិង្សាដែលបានកើតឡើងនៅទូទាំងសហរដ្ឋអាមេរិកក្នុងពិធីនោះ ។

ស្របពេលជាមួយគ្នានេះ កងទ័ពឆ្មាំជាតិជាង ២ ម៉ឺនក៏នាក់ត្រូវបានដាក់ពង្រាយទៅទីក្រុងវ៉ាស៊ីនតោនក្នុងពិធីឡើងកាន់តំណែងនោះផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ស្រ្តីម្នាក់ទៅឆ្លុះអេកូកូន បែរជាឃើញមុខ Donald Trump

ចុចអាន ៖ អាមេរិកនឹងបិទស្ថានីយរថភ្លើង និងក្រុមហ៊ុនអាកាសចរណ៍ មុនពិធីឡើងកាន់តំណែងរបស់លោក Biden

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services