ប្រយ័ត្ន! ថៃ រកឃើញថ្នាំលាបពណ៌សក់៣ប្រភេទ មានផ្ទុកសារធាតុគីមី បង្កជំងឺមហារីក (មានវីដេអូ)

រដ្ឋបាលចំណីអាហារ និងឱសថថៃ (FDA) បានចេញការព្រមានដល់អ្នកចូលចិត្តលាបពណ៌សក់ បន្ទាប់ពីរកឃើញថា ថ្នាំលាបពណ៌សក់របស់កូរ៉េខាងត្បូងចំនួន៣ប្រភេទ មានផ្ទុកសារធាតុគីមីបង្កជាជំងឺមហារីក។

ផលិតផលទាំងនោះមានដូចជា ថ្នាំលាបសក់ពណ៌ត្នោត Seedbee’s Water Colouring Medium Brown និង Seedbee’s Water Colouring Wine Brown ដែលផលិតដោយក្រុមហ៊ុន Soky C&T Co Ltd និងថ្នាំលាបសក់ពណ៌ទង់ដែង  Mielle Professional’s Blondie Anne Treatment Color Cream ផលិតដោយក្រុមហ៊ុន JPS Cosmetics Co Ltd.។

យោងតាមរបាយការណ៍របស់ FDA, ការធ្វើតេស្តសំណាកថ្នាំលាបសក់បានបង្ហាញថាផលិតផលទាំងបីខាងលើមានផ្ទុកសារធាតុ o-aminophenol និង m-Phenylenediamine ដែលត្រូវបានហាមឃាត់ក្នុងគ្រឿងសម្អាង ដោយសារតែភាពគ្រោះថ្នាក់របស់វា។

ដើម្បីការពារអ្នកប្រើប្រាស់ពីការទិញផលិតផលដែលមិនមានលិខិតបញ្ជាក់, FDA ណែនាំថាគ្រឿងសម្អាងទាំងអស់ គួរតែមានស្លាកសញ្ញាថៃដែលបង្ហាញព័ត៌មានអំពីក្រុមហ៊ុនផលិត អ្នកនាំចូល គ្រឿងផ្សំ កាលបរិច្ឆេទផុតកំណត់ សេចក្តីណែនាំ និងការព្រមាន។

អ្នកលក់រាយក៏គួរតែទិញផលិតផលពីអ្នកលក់ដុំ ឬអ្នកផលិតដែលមានលិខិតបញ្ជាក់តែប៉ុណ្ណោះ ផងដែរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Thaiger

ចុចអាន៖ ៥ ចំណុចអ្នកជំនាញសរសៃសក់មិនធ្វើដាច់ខាត