ព័ត៌មានអន្ដរជាតិ
ចូលណាតូមិនទាន់បានប៉ុន្មានថ្ងៃផង ស្រាប់តែនាយករដ្ឋមន្ត្រីហ្វាំងឡង់ លាលែងពីតំណែង (មានវីដេអូ)
ប្រធានាធិបតីហ្វាំងឡង់លោក Sauli Niinisto បានទទួលយកការលាលែងពីតំណែងរបស់នាយករដ្ឋមន្ត្រី Sanna Marin ពោលគឺត្រឹមតែប៉ុន្មានថ្ងៃប៉ុណ្ណោះ បន្ទាប់ពីប្រទេសនេះ ក្លាយជាសមាជិកទី៣១របស់អង្គការណាតូ។
លោកស្រី Marin បានដាក់សំណើចុះចេញពីតំណែង អំឡុងពេលជួបជាមួយលោក Niinisto នៅឯវិមានប្រធានាធិបតី Mantyniemi ក្នុងទីក្រុង ហែលស៊ីនគី កាលពីថ្ងៃព្រហស្បតិ៍ទី០៦ខែមេសា។
យោងតាមសេចក្តីថ្លែងការណ៍, លោកប្រធានាធិបតីបានស្នើឲ្យលោកស្រី បន្តក្នុងតួនាទីជានាយករដ្ឋមន្ត្រីចាំផ្ទះសិន រហូតដល់រដ្ឋាភិបាលថ្មីត្រូវបានបង្កើតឡើង។
ការលាលែងពីតំណែងរបស់លោកស្រី Marin កើតឡើង បន្ទាប់ពីគណបក្សសង្គមប្រជាធិបតេយ្យ (SDP) របស់លោកស្រី បរាជ័យនៅក្នុងការបោះឆ្នោតសភាកាលពីចុងសប្តាហ៍មុន។ SPD ជាប់លេខ៣ ដោយទទួលបាន៤៣អាសនៈក្នុងចំណោម ២០០អាសនៈ នៅក្នុងសភានីតិបញ្ញត្តិហ្វាំងឡង់។
មេដឹកនាំគណបក្សសម្ព័ន្ធជាតិស្តាំនិយម លោក Petteri Orpo នឹងក្លាយទៅជានាយករដ្ឋមន្ត្រីថ្មី ហើយទំនងជាចាប់ផ្តើមកិច្ចពិភាក្សាលើការបង្កើតរដ្ឋាភិបាលចម្រុះ បន្ទាប់ពីសភាកោះប្រជុំនៅថ្ងៃទី១៤ខែមេសា។
គួរបញ្ជាក់ថា លោកស្រី Marin បានក្លាយជានាយករដ្ឋមន្ត្រីក្នុងឆ្នាំ២០១៩ នៅអាយុ៣៤ឆ្នាំដោយធ្វើឲ្យលោកស្រី ក្លាយជាមនុស្សក្មេងបំផុតក្នុងប្រវត្តិសាស្ត្រហ្វាំងឡង់ ដែលដឹកនាំរដ្ឋាភិបាល។
ក្នុងអំឡុងពេលកាន់តំណែងរបស់លោកស្រី ប្រទេសហ្វាំងឡង់បានដាក់ពាក្យចូលជាសមាជិកអង្គការណាតូ ដោយលើកឡើងពីក្តីព្រួយបារម្ភជុំវិញជម្លោះនៅអ៊ុយក្រែន។ ហ្វាំងឡង់ ត្រូវបានទទួលយកជាផ្លូវការចូលទៅក្នុងប្លុកយោធាដែលដឹកនាំដោយសហរដ្ឋអាមេរិក កាលពីថ្ងៃអង្គារទី០៤ខែមេសា៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ ហ្វាំងឡង់ ធ្វើឲ្យមាត់ទ្វារព្រំដែន ណាតូ និងរុស្ស៊ី កាន់តែរីកធំទ្វេដង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ