ព័ត៌មានអន្ដរជាតិ

អណ្ដើកយក្សដ៏កម្ររបស់ពិភពលោក ងាប់ដោយគ្មានមូលហេតុនៅ វៀតណាម

បានផុស

៣ years មុន

នៅ

ថ្ងៃអង្គារ ២៥ មេសា ២០២៣

ដោយ

ប្រព័ន្ធផ្សព្វផ្សាយក្នុងស្រុកបានរាយការណ៍ថា អណ្ដើកយក្ស Hoan Kiem ដែលត្រូវគេស្គាល់ថាជា Rafetus swinhoei ដ៏កម្រនៅក្នុងបឹង Dong Mo ក្នុងស្រុក Son Tay បានងាប់កាលពីថ្ងៃទី ២៣ ខែមេសា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Phung Huy Vinh ប្រធានផ្នែកសេដ្ឋកិច្ចនៃទីក្រុង Son Tay បាននិយាយថា សមាជិកនៃក្រុមការពារអណ្ដើកមិនរកប្រាក់ចំណេញមួយបានរកឃើញអណ្តើកដែលងាប់នៅបឹង Dong Mo កាលពីថ្ងៃអាទិត្យ។ អណ្តើកនេះត្រូវបានគេលែងចូលបឹងក្នុងឆ្នាំ ២០២០ ខណៈមូលហេតុនៃការស្លាប់របស់វាមិនទាន់ត្រូវបានបញ្ជាក់នៅឡើយទេ។

មន្ត្រីអង្គការមិនរកប្រាក់ចំណេញ IMC ដែលមើលការខុសត្រូវលើគម្រោងអភិរក្សអណ្តើក Hoan Kiem បាននិយាយថា អណ្ដើកងាប់នេះមានប្រវែង ១.៥៦ ម៉ែត្រ និងទម្ងន់ ៩៣ គីឡូក្រាម។ ឥឡូវនេះសាកសពរបស់វាស្ថិតនៅក្នុងដៃអ្នកស្រាវជ្រាវ ដូច្នេះអាយុ និងមូលហេតុនៃការស្លាប់របស់វាអាចកំណត់បាន។

អណ្តើក Hoan Kiem ត្រូវបានពិពណ៌នាជាលើកដំបូងនៅឆ្នាំ ១៨៧៣ ប៉ុន្តែមានការស្រាវជ្រាវតិចតួចអំពីប្រភេទសត្វទន់។ ប្រភេទសត្វនេះធ្លាប់រស់នៅភាគច្រើននៃតំបន់ដីសណ្តទន្លេក្រហម ប៉ុន្តែត្រូវបានបរបាញ់រហូតដល់ជិតផុតពូជនៅក្នុងទសវត្សរ៍ឆ្នាំ ១៩៧០ និង ១៩៨០ ។ វាជាប្រភេទវាមួយក្នុងចំណោមបីប្រភេទដែលនៅសេសសល់ក្នុងពិភពលោក ដោយមួយនៅរស់រានមានជីវិតនៅបឹង Xuan Khanh ក្នុងស្រុក Ba Vi និងមួយទៀតនៅប្រទេសចិន។ ជាមួយនឹងការស្លាប់របស់វា ក្តីសង្ឃឹមសម្រាប់ការរស់ឡើងវិញនៃប្រភេទសត្វអណ្តើកដ៏កម្របំផុតរបស់ពិភពលោកកំពុងធ្លាក់ចុះ៕

ប្រែសម្រួល៖ សាង ស្រីល័ក្ខ

ប្រភព៖vnexpress

ចុចអាន៖មូលហេតុពិតដែលទីក្រុងហាមឃាត់នៅ ចិន មានសត្វក្អែកជាច្រើនរស់នៅ