ព័ត៌មានអន្ដរជាតិ
វៀតណាម ជួបអាកាសធាតុក្តៅខ្លាំងបំផុត មិនធ្លាប់មានសោះក្នុងប្រវត្តិសាស្រ្ត
កាលពីរសៀលថ្ងៃសៅរ៍ទី៦ខែឧសភា ឃុំ Hoi Xuan ក្នុងខេត្ត Thanh Hoa បានកត់ត្រាសីតុណ្ហភាព ៤៤អង្សាសេ ដែលជាកម្រិតខ្ពស់បំផុតមិនធ្លាប់មានសោះនៅក្នុងប្រវត្តិសាស្រ្តប្រទេសវៀតណាម។
មជ្ឈមណ្ឌលជាតិសម្រាប់ការព្យាករឧតុនិយមបាននិយាយថា សីតុណ្ហភាពនៅឃុំ Hoi Xuan បានបំបែកកំណត់ត្រាចាស់ ៤៣.៣ អង្សាសេកាលពីថ្ងៃទី២០ខែមេសាឆ្នាំ២០១៩ នៅស្រុក Huong Khe ក្នុងខេត្ត Ha Tinh។
ទន្ទឹមនោះ សីតុណ្ហភាពនៅស្រុក Lac Son ក្នុងខេត្ត Hoa Binh និងតំបន់មួយចំនួនក្នុងខេត្ត Nghe An កាលពីថ្ងៃសៅរ៍ ក៏បានឡើងលើស៤៣អង្សាផងដែរ។
ក្រៅពីនេះ ខេត្តចំនួន១៧ផ្សេងទៀតនៅភាគខាងជើងនិងកណ្តាល ដែលឡើងកម្តៅលើស៤០អង្សាសេ ក៏រួមមានទាំងខេត្ត Quang Tri, Lao Cai, Ha Giang, Ninh Binh, Quang Binh និង Phu Yen ផងដែរ ខណៈទីក្រុងហាណូយ មានតំបន់ពីរដែលសីតុណ្ហភាពឡើងលើស៤០អង្សាសេ។
ចំណែកខេត្តផ្សេងទៀតក្រៅពីនេះ គឺមានសីតុណ្ហភាពចន្លោះពី ៣៥ទៅ៣៩ អង្សាសេ។
លោក Nguyen Van Huong ប្រធានផ្នែកព្យាករអាកាសធាតុនៅមជ្ឈមណ្ឌលជាតិសម្រាប់ការព្យាករឧតុនិយមបាននិយាយថា នេះអាចជារលកកម្តៅខ្លាំងបំផុតក្នុងខែឧសភា ដែលបណ្តាលមកពីឥទ្ធិពលទ្វេដងនៃរលកក្តៅនៅទិសខាងលិច និងឥទ្ធិពលខ្យល់ Foehn។
ស្របពេលជាមួយនោះដែរ ទីភ្នាក់ងារឧតុនិយមបានព្រមានថា អាកាសធាតុក្តៅ និងសំណើមទាបអាចបង្កើនហានិភ័យនៃអគ្គិភ័យ និងការផ្ទុះនានា ដោយសារតែការកើនឡើងនៃតម្រូវការអគ្គិសនី ក៏ដូចជាភ្លើងឆេះព្រៃផងដែរ។
លើសពីនេះ អាកាសធាតុក្តៅក៏អាចបណ្តាលឲ្យមនុស្សខ្សោះជាតិទឹក អស់កម្លាំង និងដាច់សរសៃឈាមខួរក្បាលផងដែរ៕
ប្រែសម្រួល៖ Vann Vann
ប្រភព៖ VN Express
ចុចអាន៖ អ្នកជំនាញព្រមានថា ថៃ នឹងរងគ្រោះដោយអាកាសធាតុកាន់តែក្តៅខ្លាំង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង