ព័ត៌មានអន្ដរជាតិ

ឥណ្ឌូណេស៊ី ថ្កោលទោសការវាយប្រហារលើមន្ត្រីអាស៊ាន អំឡុងពេលផ្តល់ជំនួយនៅ មីយ៉ាន់ម៉ា

បានផុស

៣ years មុន

នៅ

ថ្ងៃចន្ទ ៨ ឧសភា ២០២៣

ដោយ

នៅថ្ងៃចន្ទទី៨ខែឧសភា ប្រធានាធិបតីឥណ្ឌូណេស៊ី លោក Joko Widodo បានថ្កោលទោសការវាយប្រហារនៅប្រទេសមីយ៉ាន់ម៉ា ទៅលើមន្ត្រីអាស៊ាន ដែលកំពុងផ្តល់ជំនួយមនុស្សធម៌ ប៉ុន្តែលោកមិនបានផ្តល់ព័ត៌មានលម្អិតអំពីឧបទ្ទវហេតុនោះទេ។

ប្រធានាធិបតីឥណ្ឌូណេស៊ី លោក Joko Widodo (រូបថត៖ GAVIN FOO)

ទោះបីជាយ៉ាងណាក៏ដោយ រដ្ឋាភិបាលស្រមោលមីយ៉ាន់ម៉ា ដែលជាសម្ព័ន្ធមិត្តកងជីវពលប្រឆាំងយោធាគឺ កងកម្លាំងការពារប្រជាជន (PDF) បាននិយាយថា ខ្លួនមិនដឹងពីការវាយប្រហារណាមួយឡើយ។

ប៉ុន្តែការវាយប្រហារត្រូវបានគេដឹងថា កើតឡើងនៅក្នុងស្រុក Taunggyi នៃរដ្ឋ Shan។

ក្នុងសន្និសីទសារព័ត៌មានមួយនៅទីក្រុង Labuan Bajo ភាគខាងកើតប្រទេសឥណ្ឌូណេស៊ី ជាកន្លែងដែលកិច្ចប្រជុំកំពូលអាស៊ានលើកទី៤២នឹងប្រព្រឹត្តទៅនៅសប្តាហ៍នេះ, លោក Widodo បានសង្កត់ធ្ងន់លើតម្រូវការដើម្បីបញ្ចប់អំពើហិង្សាក្នុងប្រទេសមីយ៉ាន់ម៉ា។

លោកនិយាយថា “អ្វីដែលខ្ញុំចង់បញ្ជាក់គឺថា ការវាយប្រហារ មិនប៉ះពាល់ដល់ការតាំងចិត្តរបស់អាស៊ាន និងឥណ្ឌូណេស៊ី ក្នុងការអំពាវនាវឲ្យបញ្ចប់អំពើហិង្សា បញ្ឈប់ការប្រើកម្លាំងនោះទេ ព្រោះពលរដ្ឋនឹងក្លាយជាជនរងគ្រោះ គ្មានអ្នកណាឈ្នះក្នុងរឿងបែបនេះឡើយ”។

លោកបន្តថា “ខ្ញុំសូមជំរុញឲ្យយើង អង្គុយជាមួយគ្នានិងបង្កើតកន្លែងសម្រាប់កិច្ចសន្ទនាដើម្បីរកដំណោះស្រាយរួមគ្នា”។

គួរបញ្ជាក់ថា ក្នុងនាមជាប្រធានអាស៊ានឆ្នាំនេះ ឥណ្ឌូណេស៊ី បានខ្នះខ្នែងខ្លាំងណាស់ ដើម្បីឈានទៅរកការទម្លាយភាពជាប់គាំងក្នុងវិបត្តិមីយ៉ាន់ម៉ា៕

ប្រែសម្រួល៖ Vann Vann

ប្រភព៖ CNA

ចុចអាន៖ យោធា មី យ៉ាន់ ម៉ា ប្រតិកម្មខ្លាំងៗលើ អាស៊ាន បន្ទាប់ ពី ត្រូវ រារាំង មិនឲ្យ ប្រជុំ