Connect with us

ព័ត៌មានអន្ដរជាតិ

ចិន បណ្តេញអ្នកការទូតកាណាដា ដើម្បីសងសឹក

បានផុស

នៅ

កាលពីថ្ងៃអង្គារទី៩ខែឧសភា​ ទីក្រុងប៉េកាំង បានបណ្តេញបេសកជនកាណាដាម្នាក់ ជាការឆ្លើយតបទៅទីក្រុងអូតាវ៉ា ដែលបានបណ្តេញអ្នកការទូតចិន ជុំវិញការចោទប្រកាន់ពីបទប៉ុនប៉ង បំភិតបំភ័យសមាជិកសភាកាណាដាដែលរិះគន់ចិន។

​អ្នក​ការទូត​ចិន Zhao Wei (រូបថត៖ EASY MEDIA)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាល​ពី​ថ្ងៃ​ចន្ទ ប្រទេស​កាណាដា​បាន​ប្រកាសថា ​អ្នក​ការទូត​ចិនឈ្មោះ Zhao Wei ថាជាជនមិនអាចទទួលយកបាន ហើយ​ស្នើ​សុំ​ឲ្យ​គាត់​ចាក​ចេញ​ពី​ប្រទេស។ នៅថ្ងៃបន្ទាប់ ប្រទេសចិនបានឆ្លើយតបវិញ ដោយធ្វើរឿងដូចគ្នានេះចំពោះលោកស្រី Jennifer Lalonde ដែលជាអ្នកការទូតនៅស្ថានកុងស៊ុលកាណាដា ប្រចាំទីក្រុងសៀងហៃ។

ប្រទេសកាណាដា បានចោទប្រកាន់លោក Zhao ថាបានធ្វើយុទ្ធនាការដើម្បីដាក់សម្ពាធសមាជិកសភាអភិរក្សនិយមលោក Michael Chong និងក្រុមគ្រួសាររបស់គាត់ ដែលរស់នៅទីក្រុងហុងកុង។

លោក Chong ត្រូវបានគេស្គាល់ថា ជាអ្នកប្រកាន់ជំហរម៉ឺងម៉ាត់ ប្រឆាំងសាធារណរដ្ឋប្រជាមានិតចិន រួមទាំងការឧបត្ថម្ភញត្តិមួយដើម្បីប្រកាសពីការរំលោភបំពានរបស់ប្រទេសចិន ប្រឆាំងនឹងជនជាតិភាគតិច អ៊ុយហ្គ័រមូស្លីម ថាជាអំពើប្រល័យពូជសាសន៍ផងដែរ។

គួរបញ្ជាក់ថា ការបណ្តេញលោក Zhao កើតឡើងប៉ុន្មានថ្ងៃ បន្ទាប់ពីប្រព័ន្ធផ្សព្វផ្សាយកាណាដាបានដកស្រង់ឯកសារនៃសេវាចារកម្មសន្តិសុខកាណាដា (CSIS) ដែលចោទប្រកាន់ ចិន ថាបានធ្វើការនៅពីក្រោយខ្នង ប្រឆាំងនឹងបេក្ខជនអភិរក្សនិយមនៅក្នុងការបោះឆ្នោត និងការលើកកម្ពស់បេក្ខជនគណបក្សសេរី៕

ប្រែសម្រួល៖ Vann Vann

ប្រភព៖ Sputnik

ចុចអាន៖ ចិន ព្រមានថា អាមេរិក កំពុងធ្វើឲ្យកោះតៃវ៉ាន់ ក្លាយជា “ធុងរំសេវ”

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម