ព័ត៌មានអន្ដរជាតិ
ប្រជាជន ថៃ លេងខ្លួនប្លែកៗពេលទៅបោះឆ្នោត
កាលពីថ្ងៃទី១៤ ខែឧសភា ប្រជាជនថៃបានសម្រុកទៅការិយាល័យបោះឆ្នោតសកលនៅទូទាំងប្រទេសច្រើនសន្ធឹកមិនធ្លាប់មាន ខណៈម្នាក់ៗបានស្លៀកសំលៀកបំពាក់ចម្រុះពណ៌ផ្សេងគ្នា បង្កើតការភ្ញាក់ផ្អើលយ៉ាងខ្លាំងពីសំណាក់អ្ន្កកលេងអ់ីនធើណេតនិងអ្នកទៅបោះឆ្នោតដូចគ្នា។
យោងទៅតាមច្បាប់ អ្នកបោះឆ្នោតត្រូវបានហាមឃាត់មិនឲ្យស្លៀកសំលៀកបំពាក់ដែលបង្ហាញឈ្មោះគណបក្ស លេខគណបក្ស លេខបេក្ខជន ឬស្លាកសញ្ញាគណបក្ស។ ទោះជាយ៉ាងណាក៏ដោយ ច្បាប់អនុញ្ញាតឲ្យអ្នកបោះឆ្នោតបង្ហាញភក្តីភាពរបស់ពួកគេតាមរយៈពណ៌គណបក្ស ដែលបណ្ដាលឲ្យមានពណ៌ចម្រុះនៅតាមការិយាល័យបោះឆ្នោតទូទាំងប្រទេស។
លោក Worrakit Inthakorn អាយុ ៥៨ ឆ្នាំពាក់អាវ Spiderman ពេលទៅមើលការិយាល័យបោះឆ្នោតដោយជិះម៉ូតូរបស់គាត់។ លោក Worrakit បានបង្ហើបថា លោកតែងតែស្លៀកសំលៀកបំពាក់ពេលលក់គុយទាវ ហើយក៏យកស្លៀកពេលបោះឆ្នោតតែម្ដង។ នៅខេត្ត Nakhon Panom ភាគខាងជើង បុរសម្នាក់ឈ្មោះ Boonhome Charoenjai អាយុ ៤៤ ឆ្នាំបានស្លៀកសំលៀកបំពាក់ជាតួអង្គនាយងោះ ខណៈលោកបានលាបធ្យូងដើម្បីធ្វើត្រាប់តាមរូបរាងរបស់តួអង្គមកបោះឆ្នោតដូចគ្នា។
ចំណែកឯគូស្នេហ៍មួយគូនៅខេត្ត Chum Phon ភាគខាងត្បូងក៏បានទៅលេងការិយាល័យបោះឆ្នោតក្នុងឈុតអាពាហ៍ពិពាហ៍របស់ពួកគេផងដែរ។ កូនក្រមុំ Naphassorn និងកូនកំលោះ Natthawut បានផ្អាកពិធីមង្គលការរបស់ពួកគេ ដើម្បីបំពេញកាតព្វកិច្ចជាពលរដ្ឋដោយបោះឆ្នោត។ អ្នកទាំងពីរបានបង្ហើបប្រាប់អ្នកសារព័ត៌មានថា ពួកគេមានបំណងបន្តពិធីមង្គលការនៅពេលរសៀល ដោយធានាថាទាំងស្នេហានិងលទ្ធិប្រជាធិបតេយ្យ មានកន្លែងត្រឹមត្រូវនៅថ្ងៃពិសេសរបស់ពួកគេ។
កូនក្រមុំម្នាក់នៅតំបន់មួយផ្សេងទៀតក៏បានចែករំលែកវីដេអូនៅលើ TikTok ដោយចាប់យកការរត់ចេញពីឡានទៅកាន់ការិយាល័យបោះឆ្នោតក្នុងឈុតអាពាហ៍ពិពាហ៍បែបប្រពៃណីថៃរបស់នាង។ នាងបាននិយាយថា “នៅពេលដែលខ្ញុំចង់បានទាំងប្តី និងប្រជាធិបតេយ្យក្នុងពេលតែមួយ។ ថ្ងៃរៀបការនៅថ្ងៃបោះឆ្នោត!”
គូស្នេហ៍មួយគូទៀតបានបង្ហោះវីដេអូដែលបង្ហាញពីការរួបរួមគ្នាដោយស្លៀកសំលៀកបំពាក់ពណ៌ទឹកក្រូចខ្ចី។ បុរសនោះស្ថិតក្នុងឈុតពណ៌ទឹកក្រូចជាមួយនឹងផ្លែក្រូចពីរនៅករបស់គាត់ ខណៈមិត្តស្រីលោកស្លៀករ៉ូបពណ៌ទឹកក្រូចរលោងជាមួយនឹងខ្សែបូពណ៌ទឹកក្រូចយ៉ាងធំនៅលើក្បាលដូចគ្នា។ បុរសម្នាក់នៅខេត្តឡាំប៉ាងភាគខាងជើងលោក Weerapong ក៏បានទៅមើលការិយាល័យបោះឆ្នោតក្នុងសំលៀកបំពាក់ពណ៌ទឹកក្រូចដែលបំផុសដោយព្រះសង្ឃ។ យ៉ាងណាមិញ ក្រោយការស៊ើបអង្កេតយ៉ាងហ្មត់ចត់ គេបានកំណត់ថាសំលៀកបំពាក់របស់លោកមិនបានបំពានច្បាប់ណាមួយឡើយ។
សូមបញ្ចាក់ដែរថា លទ្ធផលបានបង្ហាញថាគណបក្សចលនាឆ្ពោះទៅមុខ (MFP) ជាអ្នកនាំមុខគេ ដោយទទួលបានសំឡេងគាំទ្រច្រើនជាងគេនៅទូទាំងប្រទេស។ មេដឹកនាំ MFP លោក Pita Limjaroenrat ត្រូវបានគេរំពឹងថា នឹងក្លាយជានាយករដ្ឋមន្ត្រីទី ៣០ របស់ប្រទេសថៃ៕
ប្រែសម្រួល៖ សាង ស្រីល័ក្ខ
ចុចអាន៖១៤ ឆ្នាំមុន លោកភីថាធ្លាប់និយាយថា ពេញចិត្តអត្តចរិតតារាសម្ដែង Aff Taksaorn ខ្លាំង
ប្រជាជន ថៃ លេងខ្លួនប្លែកៗពេលទៅបោះឆ្នោត
រដ្ឋបាលខេត្តស្វាយរៀង រឹតបន្តឹងល្បែងស៊ីសងខុសច្បាប់
ប្រជាជនថៃ រាប់ម៉ឺននាក់ ចេញអបអរជ័យជម្នះរបស់គណបក្ស ចលនាឆ្ពោះទៅមុខ
សុខ ពិសី មោទនភាពកើតជាកូនខ្មែរដែលត្រៀមខ្លួនសម្ដែងក្នុងព្រឹត្តិការណ៍បិទកីឡាស៊ីហ្គេម
ទីក្រុងកៀវ រងការវាយប្រហារធ្ងន់ធ្ងរ ដោយយន្តហោះដ្រូន និងមីស៊ីលរបស់ រុស្ស៊ី
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានអន្ដរជាតិ៥ ថ្ងៃ មុនសារព័ត៌មានវៀតណាម ៖ រាជបុត្រ Mateen នឹងព្រះរាជទានស្បែកជើងតម្លៃ ១៧ លានដុល្លារ ដល់អ្នកអភិសេកជាមួយទ្រង់
-
កីឡា៤ ថ្ងៃ មុនបួខាវ និងក្រុមកីឡាឃីកបុកស៊ីងរបស់ខ្លួន នឹងមកដល់កម្ពុជានៅថ្ងៃនេះ
-
កីឡា១ សប្តាហ៍ មុនពៅ សុខា ឈ្នះមេដាយមាស៣ ប្រាក់១ និងសំរឹទ្ធ១ ស៊ីហ្គេមនៅកម្ពុជា
-
ជីវិតកម្សាន្ដ៥ ថ្ងៃ មុនទម្លាយមូលហេតុមិត្តភាពរវាង Selena Gomez និងមិត្តបរិច្ចាគក្រលៀន ឈានដល់ការខឹងសម្បារគ្នា
-
កីឡា១ សប្តាហ៍ មុនសារព័ត៌មានថៃ សរសើរអាកប្បកិរិយារបស់ ខាន់ ចេសា ក្រោយឈ្នះកីឡាការិនី ហ្វីលីពីន
-
ព័ត៌មានជាតិ១ សប្តាហ៍ មុនសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត អញ្ជើញចូលរួមកិច្ចប្រជុំកំពូលអាស៊ានលើកទី ៤២ នៅឥណ្ឌូណេស៊ី
-
កីឡា៦ ថ្ងៃ មុនសមាសភាពអ្នកលេងគុនខ្មែរ៦រូបប្រកួតដណ្តើមមេដាយមាសស៊ីហ្គេមថ្ងៃនេះ
-
ជីវិតកម្សាន្ដ៤ ថ្ងៃ មុនព្រឹត្តិការណ៍ “Jennie for Calvin Klein” រងពាក្យរិះគន់ចាស់ដៃពីអ្នកកាសែត