Connect with us

ព័ត៌មានអន្ដរជាតិ

ចិន ចោទអាមេរិក ថា យកបញ្ហាបច្ចេកវិទ្យា ធ្វើជាអាវុធ គំរាមប្រទេសដទៃ  

បានផុស

នៅ

អ្នកនាំពាក្យក្រសួងការបរទេសចិន លោក Wang Wenbin បានលើកឡើងកាលពីថ្ងៃព្រហស្បតិ៍ទី១៨ខែឧសភាថា សហរដ្ឋអាមេរិក កំពុងវាយប្រហារក្រុមហ៊ុននិងអ្នកវិទ្យាសាស្ត្រចិន ក្នុងយុទ្ធនាការ ដើម្បីរារាំងការអភិវឌ្ឍបច្ចេកវិទ្យារបស់ប្រទេសដទៃ។

អ្នកនាំពាក្យក្រសួងការបរទេសចិន លោក Wang Wenbin (រូបថត៖ FNA)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងអំឡុងសន្និសីទសារព័ត៌មានមួយ លោក Wang អះអាងថា កងកម្លាំងវាយប្រហារបច្ចេកវិទ្យារំខាន ដែលបង្កើតឡើងដោយក្រសួងយុត្តិធម៌សហរដ្ឋអាមេរិក ត្រូវបានបង្កើតឡើងកាលពីខែកុម្ភៈ ដើម្បីតាមដានស្ថានការណ៍។

លោក Wang និយាយថា “សហរដ្ឋអាមេរិកបានយកបញ្ហាបច្ចេកវិទ្យា មកធ្វើជារឿងនយោបាយ និងអាវុធ ហើយព្យាយាមរារាំងការរីកចម្រើនផ្នែកបច្ចេកវិទ្យារបស់ប្រទេសដទៃ”។

ស្របពេលជាមួយគ្នានោះ អ្នកនាំពាក្យរូបនេះ បានជំរុញឲ្យសហរដ្ឋអាមេរិក បោះបង់ចោលគំនិតសង្គ្រាមត្រជាក់ដែលហួសសម័យ និងបញ្ឈប់ការបំពានអំណាចតុលាការ ដើម្បីកំណត់គោលដៅលើអ្នកស្រាវជ្រាវចិន។ លោក​​សង្កត់​ធ្ងន់​ថា ទីក្រុង​ប៉េកាំង​នឹង ការពារ​យ៉ាង​ម៉ឺងម៉ាត់​នូវ​សិទ្ធិ និង​ផលប្រយោជន៍​ស្របច្បាប់​របស់​ពលរដ្ឋ​ចិន។

(រូបថត៖ PBS)

ការអត្ថាធិប្បាយរបស់លោក Wang ធ្វើឡើងបន្ទាប់ពីក្រសួងការបរទេសអាមេរិក បានប្រកាសកាលពីថ្ងៃពុធថា អតីតវិស្វករ Software ចំនួនពីរនាក់ ត្រូវបានចាប់ខ្លួនពីបទលួចសម្ភារពីក្រុមហ៊ុនបច្ចេកវិទ្យាអាមេរិក ក្នុងគោលបំណងលក់ទៅឲ្យដៃគូប្រកួតប្រជែងរបស់ចិន។

សេតវិមាន បានចោទប្រកាន់ទីក្រុងប៉េកាំងម្តងហើយម្តងទៀត ពីបទលួចបច្ចេកវិទ្យា និងប្រើប្រាស់ក្រុមហ៊ុនទូរគមនាគមន៍ដូចជា Huawei និងកម្មវិធីចែករំលែកវីដេអូ TikTok សម្រាប់ការធ្វើចារកម្ម។

ទោះបីជាយ៉ាងណាក៏ដោយ ប្រទេស​ចិន​បាន​បដិសេធ​ការ​ចោទ​ប្រកាន់​ទាំងនេះ ហើយវាយបកទៅវិញថា ​អាមេរិក​​បាន​ព្យាយាម​ធ្វើវិទ្ធង្សនា ​ការ​ប្រកួតប្រជែង​ក្នុង​ទីផ្សារ​ព័ត៌មានវិទ្យា​ពិភពលោក៕

ប្រែសម្រួល៖ Vann Vann

ប្រភព៖ RT

ចុចអាន៖ ចិន កាត់ទោស ពលរដ្ឋ អាមេរិក ឲ្យ ជាប់ពន្ធនាគារ អស់ មួយជីវិត ពីបទ ចារកម្ម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៧ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៧ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៨ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៨ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម