ព័ត៌មានអន្ដរជាតិ
លោក ស៊ី បង្ហាញផែនការអភិវឌ្ឍដ៏ធំ ជាមួយសម្ព័ន្ធមិត្តអាស៊ីកណ្តាល
នៅថ្ងៃសុក្រទី១៩ខែឧសភា ប្រធានាធិបតីចិនលោក ស៊ី ជីនពីង បានបង្ហាញផែនការមហិច្ឆតាមួយ ដើម្បីជួយជំរុញការអភិវឌ្ឍរបស់តំបន់អាស៊ីកណ្តាល ឡើងទៅមួយកម្រិតទៀត ពោលគឺចាប់ពីការកសាងបណ្តាញហេដ្ឋារចនាសម្ព័ន្ធ ទៅដល់ការជំរុញវិស័យពាណិជ្ជកម្ម។
ក្នុងសន្ទរកថានៅឯកិច្ចប្រជុំកំពូលចិន-អាស៊ីកណ្តាល ដែលធ្វើឡើងក្នុងទីក្រុង Xian នៃខេត្ត Shaanxi, លោក ស៊ី លើកឡើងថា ប្រទេសចិនបានត្រៀមខ្លួនរួចជាស្រេចក្នុងការធ្វើសមាហរណកម្មយុទ្ធសាស្ត្រអភិវឌ្ឍន៍ ជាមួយប្រទេសអាស៊ីកណ្តាលចំនួន៥គឺ កាហ្សាក់ស្ថាន កៀហ្ស៊ីស៊ីស្ថាន តាជីគីស្ថាន តូមិននីស្ថាន និងអ៊ូសបេគីស្ថាន ហើយខិតខំប្រឹងប្រែងរួមគ្នា ដើម្បីលើកកម្ពស់ទំនើបកម្មនៃប្រទេសទាំង៦។
លោក ស៊ី និយាយថា “ពិភពលោកត្រូវការតំបន់អាស៊ីកណ្តាលដែលមានស្ថិរភាព វិបុលភាព ភាពសុខដុមរមនា និងទំនាក់ទំនងល្អ”។
ទោះបីជាយ៉ាងណាក៏ដោយ ស្របពេលជាមួយគ្នានោះ លោក ស៊ី ក៏ព្រមានដែរថា ប្រទេសទាំង៦ខាងលើ គួរតែប្រឆាំងនឹងការជ្រៀតជ្រែកពីខាងក្រៅ នៅក្នុងកិច្ចការផ្ទៃក្នុង និងប្រឆាំងការញុះញង់បដិវត្តន៍ពណ៌ ហើយរក្សាជំហរមិនអត់ឱនចំពោះអំពើភេរវកម្ម ការបំបែកខ្លួន និងភាពជ្រុលនិយម។
លើសពីនេះ លោក ស៊ី គូសបញ្ជាក់ថា “ប្រទេសចិន ត្រៀមខ្លួនរួចជាស្រេចដើម្បីជួយបណ្តាប្រទេសអាស៊ីកណ្តាល ក្នុងការធ្វើឲ្យប្រសើរឡើងនូវការអនុវត្តច្បាប់ សន្តិសុខ និងការកសាងសមត្ថភាពការពារជាតិ”៕
ប្រែសម្រួល៖ Vann Vann
ប្រភព៖ Al Arabiya
ចុចអាន៖ លោក ស៊ី ជំរុញឲ្យកងទ័ពចិន ពង្រឹងការហ្វឹកហ្វឺនសម្រាប់សមរភូមិជាក់ស្តែង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង