ព័ត៌មានអន្ដរជាតិ
មកដឹងមុខម្ហូបពេលល្ងាចសម្រាប់មេដឹកនាំពិភពលោកក្នុងកិច្ចប្រជុំ G7 នៅជប៉ុន
ប្រទេសជប៉ុនដែលជាម្ចាស់ផ្ទះរៀបចំកិច្ចប្រជុំកំពូលនៃក្រុមប្រទេស G7 បានទទួលស្វាគមន៍មេដឹកនាំប្រទេសជាសមាជិកយ៉ាងកក់ក្ដៅ ជាពិសេសគឺការរៀបចំម្ហូបអាហារយ៉ាងសម្រិតសម្រាំង និងមានគុណភាពផងដែរ ។
ក្នុងកិច្ចប្រជុំដែលបានចាប់ផ្ដើមតាំងតែពីថ្ងៃទី១៩ ខែឧសភា និងបានបញ្ចប់នៅថ្ងៃទី២១ ខែឧសភានេះ, លោកនាយករដ្ឋមន្ត្រីជប៉ុន Fumio Kishida ក៏បានរៀបចំម្ហូបអាហារឆ្ងាញ់ៗសម្រាប់ពិធីជប់លៀងពេលល្ងាចដើម្បីជាការលាគ្នា ។
អាហារពេលល្ងាចមុខដំបូងសម្រាប់មេដឹកនាំពិភពលោកនៃក្រុមប្រទេស G7 នោះគឺ អយស្ទ័រចំហុយស្រាសាកេ (Sake) ជាមួយនឹងពងត្រី Caviar អមដោយបង្គាជប៉ុនប្រឡាក់ជាមួយទឹកជ្រលក់ Shuto ជាទឹកជ្រលក់ផ្សុំចេញពីពោះវៀនត្រី Bonito ផ្អាប់ទុកក្នុងស្រាសាកេ, ទឹកឃ្មុំ និងស្រា ស មីរីន ។
ទន្ទឹមនោះ មេដឹកនាំទាំងនោះក៏ទទួលបានត្រីជំពូកក្អែកសមុទ្រជាមួយនឹងផ្សិត Matsutake របស់ជប៉ុន, ត្រីថ្ម ឬ Stonefish និងបង្កងដុត ។ បន្ទាប់មកមានសាច់គោជប៉ុនដ៏ល្បីឈ្មោះមានប្រភពមកពីទីក្រុងហ៊ីរ៉ូស៊ីម៉ា ដែលគេស្គាល់ថាជាសាច់គោហ៊ីបា ជាមួយកាំប្រម៉ាសមុទ្រក្រហម និងផ្លែទ្រប់ ហើយក៏មានស្រាស និងស្រាក្រហមផងដែរ ។
គួរបញ្ជាក់ថា មេដឹកនាំពិភពលោកនៃបណ្តាប្រទេស G7 ដែលមានជប៉ុន, អាល្លឺម៉ង់, បារាំង, កាណាដា, អ៊ីតាលី, ចក្រភពអង់គ្លេស និងសហរដ្ឋអាមេរិក បានជួបប្រជុំគ្នានៅទីក្រុងហ៊ីរ៉ូស៊ីម៉ាភាគខាងត្បូង ខណៈរបៀបវារៈចម្បងក្នុងវេទិកានោះគឺចិន និងរុស្ស៊ីដែលនៅតែបើកការវាយលុកលើអ៊ុយក្រែន ៕
ប្រែសម្រួលដោយ ៖ ជីវ័ន្ត
ប្រភព ៖ CNN
ចុចអាន ៖ រុស្ស៊ី កត់ឈ្មោះរដ្ឋអាជ្ញាតុលាការ ICC ចូលក្នុងបញ្ជីតាមចាប់ខ្លួន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង