អ៊ុយក្រែន ចាប់ផ្តើមការវាយលុកទ្រង់ទ្រាយធំ លើ រុស្ស៊ី

ក្រសួងការពារជាតិរុស្ស៊ី បាននិយាយនៅព្រឹកថ្ងៃចន្ទទី៥ខែមិថុនាថា កងកម្លាំងអ៊ុយក្រែន បានវាយប្រហារលើកងទ័ពរុស្ស៊ី នៅទីតាំងចំនួនប្រាំនៃសមរភូមិជួរមុខក្នុងទីក្រុង Donbass អំឡុងពេលការវាយលុកទ្រង់ទ្រាយធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រសួង, ការវាយប្រហារបានចាប់ផ្តើមកាលពីព្រឹកថ្ងៃអាទិត្យទី៤ខែមិថុនា។ គោលដៅរបស់សត្រូវ គឺកម្ទេចខែលការពាររបស់យើង នៅក្នុងអ្វីដែលពួកគេសន្មត់ថា ជាផ្នែកដែលងាយរងគ្រោះបំផុតនៃសមរភូមិជួរមុខ”។

ទោះបីជាយ៉ាងណាក៏ដោយ ក្រសួង​​បញ្ជាក់​ថា “​សត្រូវ​មិនទទួលជោគជ័យឡើយ ​ក្នុង​ការ​សម្រេច​គោលដៅ​របស់​ខ្លួន​”។

ក្រសួងបន្តថា កងកម្លាំងប្រដាប់អាវុធអ៊ុយក្រែន បានបាត់បង់សមាជិកជាង២៥០នាក់ រថក្រោះ១៦គ្រឿង រថពាសដែកថ្មើរជើងចំនួន៣គ្រឿង និងរថពាសដែក២១គ្រឿង។

យ៉ាងណាមិញ ប្រធានាធិបតីអ៊ុយក្រែនលោក លោក វ្ល៉ាឌីមៀរ ហ្សេលេនស្គី បាននិយាយកាលពីថ្ងៃសៅរ៍ថា ទីក្រុងកៀវ បានត្រៀមខ្លួនរួចជាស្រេចដើម្បីបើកការវាយលុកដែលបានគ្រោងទុកជាយូរមកហើយ ហើយថា យោធាមិនអាចរង់ចាំយូរខែបានទេ។

យ៉ាងណាក្តី អនុប្រធានការិយាល័យរបស់គាត់ គឺលោក Igor Zhovkva បានគូសបញ្ជាក់នៅថ្ងៃដដែលនោះថា ប្រទេសរបស់គាត់ នៅតែមិនទាន់ទទួលបានអាវុធ និងគ្រាប់រំសេវគ្រប់គ្រាន់ ដើម្បីរៀបចំយុទ្ធនាការដ៏ជោគជ័យមួយ៕

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ី ថា អាមេរិក លើកទឹកចិត្តអ៊ុយក្រែន ឲ្យវាយប្រហារដីរបស់ខ្លួន