ព័ត៌មានអន្ដរជាតិ
ឥណ្ឌូណេស៊ី នឹងហាមឃាត់មិនឲ្យប្រើថង់ប្លាស្ទិកនៅចុងឆ្នាំ ២០២៩
ប្រទេសឥណ្ឌូណេស៊ីគ្រោងនឹងចាប់ផ្តើមវិធានការដាក់បម្រាមទៅលើផលិតផលថង់ប្លាស្ទិកដែលប្រើតែមួយដងបោះចោលនៅចុងឆ្នាំ ២០២៩ ហើយក៏តម្រូវឲ្យក្រុមហ៊ុនផលិតត្រូវមានកាតព្វកិច្ចកាត់បន្ថយការប្រើប្រាស់វេចខ្ចប់ប្លាស្ទិកចំនួន ៣០ ភាគរយផងដែរ ។
អ្នកស្រី Siti Nurbaya Bakar រដ្ឋមន្ត្រីក្រសួងបរិស្ថាន និងព្រៃឈើរបស់ប្រទេសឥណ្ឌូណេស៊ី បាននិយាយថា ការហាមប្រាមនឹងរួមបញ្ចូលថង់ផ្លាស្ទិកសម្រាប់ដាក់ទំនិញដែលប្រើតែមួយដងឈប់ប្រើ ទុយោប្លាស្ទិក ក៏ដូចជាស្លាបព្រា និងចានជ័រជាដើម ។
លោកស្រីបញ្ជាក់ថា នេះគឺជាមធ្យោបាយដោះស្រាយជាមួយបញ្ហាកាកសំណល់វេចខ្ចប់ដែលពិបាកក្នុងការប្រមូល ពិបាកក្នុងការកែច្នៃឡើងវិញ និងមានជាតិបំពុលដល់បរិស្ថានជាដើម ។ បន្ថែមពីនេះ វិស័យឯកជនក៏ត្រូវតែចូលរួមចំណែកកាត់បន្ថយឲ្យបាន ៣០ ភាគរយផងដែរសម្រាប់នៅឆ្នាំ ២០២៩ នោះ ។
កាលពីឆ្នាំ ២០១៩ កោះបាលីបានក្លាយជាកន្លែងដំបូងបង្អស់របស់ឥណ្ឌូណេស៊ី ដែលដាក់បម្រាមលើការប្រើប្រាស់ថង់ប្លាស្ទិក ទុយោប្លាស្ទិក និងប្រភេទចានស្នោ ក៏ដូចជាប្លាស្ទិកផ្សេងៗជាដើម ។ ទន្ទឹមនឹងនេះ រដ្ឋធានីហ្សាកាតាបានចេញបម្រាមនេះរួចទៅហើយនៅឆ្នាំ ២០២០ ប៉ុន្តែទោះជាយ៉ាងណា ទីក្រុងមួយនេះនៅតែអនុញ្ញាតឲ្យប្រើប្រាស់ផលិតផលប្លាស្ទិកមួយចំនួន ។
គួរឲ្យដឹងថា ឥណ្ឌូណេស៊ីជាប្រទេសមួយក្នុងចំណោមប្រទេសផលិតកាកសំណល់ប្លាស្ទិកកំពូលក្នុងពិភពលោក ។ កាលពីឆ្នាំមុន ប្រទេសដែលមានប្រជាជនចំនួន ២៧០ លាននាក់មួយនេះ បានផលិតកាកសំណល់ប្លាស្ទិកចំនួន ១២.៦ លានតោន ខណៈការកែឆ្នៃឡើងវិញមានតែ ៩ ភាគរយប៉ុណ្ណោះ ៕
ប្រែសម្រួល៖ នាង រតនៈ
ប្រភព៖ CNA
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង