លោក បៃដិន ហៅលោក ស៊ី “ជនផ្តាច់ការ” ក្រោយរដ្ឋមន្ត្រីការបរទេសអាមេរិក ធ្វើទស្សនកិច្ចទីក្រុងប៉េកាំង

ប្រធានាធិបតីសហរដ្ឋអាមេរិកលោក ចូ បៃដិន បានហៅប្រធានាធិបតីចិន លោក ស៊ី ជីនពីង ថាជាជនផ្តាច់ការ នៅឯកម្មវិធីរៃអង្គាសថវិកាមួយ ក្នុងរដ្ឋកាលីហ្វ័រញ៉ា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការកត់សម្គាល់របស់លោក កើតឡើងមួយថ្ងៃ បន្ទាប់ពីរដ្ឋមន្ត្រីការបរទេសអាមេរិកលោក Antony Blinken ជួបលោក ស៊ី សម្រាប់កិច្ចពិភាក្សានៅទីក្រុងប៉េកាំង ក្នុងគោលបំណងបន្ធូរបន្ថយភាពតានតឹងរវាងមហាអំណាចទាំងពីរ។

លោក ស៊ី បានបង្ហាញពីវឌ្ឍនភាពមួយចំនួនក្នុងកិច្ចភាក្សានោះ ខណៈលោក Blinken គូសបញ្ជាក់ថា ភាគីទាំងពីរបើកចំហសម្រាប់កិច្ចពិភាក្សាបន្ថែមទៀត។

នៅឯកម្មវិធីរៃអង្គាសប្រាក់កាលពីយប់ថ្ងៃអង្គារទី២០ខែមិថុនា លោក បៃដិន ក៏បាននិយាយផងដែរថា លោក ស៊ី មានការខ្មាសអៀន ចំពោះភាពតានតឹងនាពេលថ្មីៗនេះជុំវិញករណីបាឡុងចារកម្មចិននៅសហរដ្ឋអាមេរិក។

លោក បៃដិន បន្តថា “មូលហេតុដែលលោក ស៊ី ជីនពីង ខឹងសម្បាយ៉ាងខ្លាំងនោះ គឺទាក់ទងនឹងពេលដែលខ្ញុំបានបាញ់ទម្លាក់បាឡុងដែលផ្ទុកឧបករណ៍ចារកម្មនៅក្នុងនោះ។​ នោះគឺជាភាពអាម៉ាស់ខ្លាំងណាស់សម្រាប់ជនផ្តាច់ការ នៅពេលពួកគេមិនដឹងថាមានអ្វីកើតឡើង”។

ទោះបីជាយ៉ាងណាក៏ដោយ ប្រទេសចិន មិនទាន់បញ្ចេញប្រតិកម្មណាមួយ ឆ្លើយតបទៅនឹងការលើកឡើងរបស់លោក បៃដិន នៅឡើយទេ៕

ប្រែសម្រួល៖ Vann Vann

ប្រភព៖ BBC

ចុចអាន៖ កូរ៉េខាងជើង ចំអកឲ្យអាមេរិកថា ទស្សនកិច្ចរបស់លោក Blinken នៅចិនថ្ងៃមុន គឺទៅ “សុំទាន”