ព័ត៌មានអន្ដរជាតិ
ក្រុមអ្នកតវ៉ាហុល្លង់ដុតកម្ទេចមណ្ឌលធ្វើតេស្តកូវីដ ក្នុងបាតុកម្មប្រឆាំងបម្រាមគោចរដ៏ក្តៅគគុក
ប៉ូលិសប្រឆាំងកុបកម្មនៅប្រទេសហុល្លង់ បានប៉ះទង្គិចជាមួយក្រុមបាតុករដែលខឹងសម្បាចំពោះការរឹតត្បិតថ្មីទាក់ទងនឹងវីរុសកូរ៉ូណា។
ក្រុមមន្ត្រីបានប្រើកាណុងបាញ់ទឹកនិងឧស្ម័នបង្ហូរទឹកភ្នែកដើម្បីបំបែកហ្វូងបាតុករក្នុងទីក្រុង Eindhoven។ ពួកគេបានប្រមូលផ្តុំគ្នាដោយផ្គើនទៅនឹងបម្រាមគោចរថ្មីម៉ោង៩យប់។
បាតុករខ្លះបានគប់កាំជ្រួច លួចទំនិញពីផ្សារទំនើបនិងកម្ទេចបង្អួចហាងនានា។ ក៏មានការធ្វើបាតុកម្មតូចៗផងដែរក្នុងទីក្រុង Amsterdam។
មនុស្សជាង១០០នាក់ត្រូវបានចាប់ខ្លួន។
បាតុករមួយចំនួនបានគប់កាំជ្រួចនិងលើកកង់ដាក់លើគ្នា ធ្វើជារបាំងការពារប៉ូលិស។ នៅទីបំផុត ប៉ូលិសបានប្រើឧស្ម័នបង្ហូរទឹកភ្នែកដើម្បីបើកផ្លូវ។
អាជ្ញាធរមូលដ្ឋានបាននិយាយថា មជ្ឈមណ្ឌលធ្វើតេស្តជំងឺកូវីដ១៩ក៏ត្រូវបានដុតកម្ទេចផងដែរ កាលពីយប់ថ្ងៃអាទិត្យក្នុងភូមិ Urk ភាគខាងជើង។
រដ្ឋមន្រ្តីក្រសួងសុខាភិបាលលោក Hugo de Jonge បាននិយាយថា “អគ្គិភ័យនៅមណ្ឌលធ្វើតេស្តកូវីដក្នុងភូមិ Urk មិនអាចគ្រប់គ្រងបានទេ”។
បម្រាមគោចរម៉ោង៩យប់ដល់ម៉ោង៤:៣០នាទីទៀបភ្លឺ ដែលត្រូវបានអនុវត្តកាលពីថ្ងៃអាទិត្យគឺជាបម្រាមគោចរលើកដំបូងនៅក្នុងប្រទេសហុល្លង់ចាប់តាំងពីសង្គ្រាមលោកលើកទី២។ អ្នករំលោភបំពាន នឹងត្រូវប្រឈមការពិន័យជាទឹកប្រាក់ចំនួន១១៥ដុល្លារ។
ប្រធានក្រុមប្រឹក្សាសន្តិសុខជាតិលោក Hubert Bruls បាននិយាយថា លោកយល់ពីការខកចិត្តរបស់ប្រជាជនប៉ុន្តែលោកបានបន្ថែមថា “ប្រសិនបើយើងតស៊ូឥឡូវនេះ យើងនឹងទទួលបានសេរីភាពរបស់យើងត្រឡប់មកវិញក្នុងពេលឆាប់ៗ”។
បារនិងភោជនីយដ្ឋានរបស់ប្រទេសនេះ ត្រូវបានបិទតាំងពីខែតុលាមកខណៈសាលារៀននិងហាងដែលមិនចាំបាច់ បានបិទកាលពីខែមុន។
គួរបញ្ជាក់ថា គិតត្រឹមម៉ោង១៦:៣០នាទីថ្ងៃចន្ទនេះ ប្រទេសហុល្លង់បានរាយការណ៍ករណីឆ្លងកូវីដសរុប៩៤៨,៩៣៣ករណីនិងស្លាប់១៣,៥៤០នាក់៕
ប្រែសម្រួលដោយ៖ Vann Vann
ប្រភព៖ BBC
ចុចអាន៖ កសិករឥណ្ឌាត្រៀមបើកត្រាក់ទ័រធ្វើបាតុកម្មនៅទិវាសាធារណរដ្ឋ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង