រដ្ឋមន្ត្រីការពារជាតិរុស្ស៊ី ត្រូវបានគេឃើញជាលើកដំបូង ចាប់តាំងពីក្រុម Wagner បះបោរ

រដ្ឋមន្ត្រីការពារជាតិរុស្ស៊ី ត្រូវបានគេឃើញជាសាធារណៈ លើកដំបូង ចាប់តាំងពីមេក្រុមទាហានស៊ីឈ្នួល Wagner លោក Yevgeny Prigozhin បញ្ឈប់ការបះបោរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងវីដេអូដំបូងដែលបានចេញផ្សាយចាប់តាំងក្រុមទាហានស៊ីឈ្នួល Wagner សម្រុកចូលប្រទេសរុស្ស៊ីកាលពីចុងសប្តាហ៍ លោក Sergei Shoigu ត្រូវបានគេមើលឃើញ ចុះទៅសួរសុខទុក្ខទាហានរុស្ស៊ី ដែលកំពុងជាប់ដៃក្នុងប្រតិបត្តិការយោធារបស់ទីក្រុងមូស្គូនៅ ប្រទេសអ៊ុយក្រែន។

ទោះបីជាយ៉ាងណាក៏ដោយ លោក Vladimir Putin និង Yevgeny Prigozhin មិនត្រូវបានគេឃើញជាសាធារណៈទេ ចាប់តាំងពីភាពចលាចលនោះមក។

គួរបញ្ជាក់ជាថ្មី កាលពីថ្ងៃអាទិត្យទី២៥ខែមិថុនា ក្រុមទាហានស៊ីឈ្នួល Wagner បានវិលត្រលប់ទៅមូលដ្ឋានរបស់ពួកគេវិញ បន្ទាប់ពីប្រធានាធិបតីរុស្ស៊ី លោក Vladimir Putin យល់ព្រមអនុញ្ញាតឲ្យមេដឹកនាំ Yevgeny Prigozhin ចៀសផុតការចោទប្រកាន់ពីបទក្បត់ជាតិ និងទទួលយកការនិរទេសខ្លួនទៅនៅប្រទេសជិតខាងគឺ បេឡារុស។

កិច្ចព្រមព្រៀងនេះបានបញ្ឈប់វិបត្តិដ៏ធ្ងន់ធ្ងរមួយ ប៉ុន្តែអ្នកវិភាគនិយាយថា ការបះបោររបស់ក្រុម Wagner បានលាតត្រដាងឲ្យឃើញពីការគ្រប់គ្រងរបស់លោក Putin មានភាពផុយស្រួយជាងការគិត។

យ៉ាងណាក្តី វិធានការសន្តិសុខ នៅតែរឹតបន្តឹងក្នុងទីក្រុងមូស្គូថ្វីបើមានប៉ូលិសតិចជាងមុនក៏ដោយ៕

ប្រែសម្រួល៖ Vann Vann

ប្រភព៖ Sky

ចុចអាន៖ ទីក្រុងមូស្គូ បន្តរឹតបន្តឹងសន្តិសុខ ទោះមេក្រុមទាហានស៊ីឈ្នួល និរទេសទៅប្រទេស បេឡារុស