ព័ត៌មានអន្ដរជាតិ
លោក ប្រាយុទ្ធ ចាប់ផ្ដើមរើអីវ៉ាន់ចេញពីវិមានរដ្ឋាភិបាល
នាយករដ្ឋមន្ត្រីចាំផ្ទះថៃលោក ប្រាយុទ្ធ ចាន់អូចា បានចាប់ផ្ដើមរៀបចំរើឥវ៉ាន់ចេញពីវិមានរដ្ឋាភិបាលហើយ ហើយលោកក៏កំពុងរង់ចាំប្រគល់ការងារកំពូលៗទៅឲ្យនាយករដ្ឋមន្ត្រីថ្មីផងដែរ ។
ប្រភពពត៌មានច្បាស់ការណ៍បាននិយាយកាលពីថ្ងៃសៅរ៍ថា លោកឧត្តមសេនីយ ប្រាយុទ្ធ បានរើអីវ៉ាន់ផ្ទាល់ខ្លួនរបស់លោកត្រឡប់ទៅផ្ទះបណ្ដើរៗហើយ ហើយមានតែរបស់របរចាំបាច់សម្រាប់ការបំពេញការងារប៉ុណ្ណោះដែលត្រូវបានទុកនៅក្នុងការិយាល័យរបស់លោក ។
ប្រភពបានឲ្យដឹងទៀតថា ក្រុមការងាររបស់លោក ប្រាយុទ្ធ បានដាក់សៀវភៅ ក៏ដូចជាឯកសារផ្សេងៗចូលទៅក្នុងកេសក្រដាសចំនួន ៤ ទៅ ៥ កេស ដើម្បីដឹកជញ្ជូនបណ្ដើរៗត្រឡប់ទៅផ្ទះរបស់លោក” ។
ទន្ទឹមនោះ ការរើអីវ៉ាន់របស់លោកនាយករដ្ឋមន្ត្រីផុតអាណត្តិរូបនេះក៏បានកើតឡើង បន្ទាប់ពីលោកបានប្រកាសចូលនិវត្តន៍ពីឆាកនយោបាយ និងលាលែងពីតំណែងជាសមាជិកគណបក្សថៃរួបរួមជាតិ កាលពីដើមសប្ដាហ៍ ក្រោយបរាជ័យក្នុងការបោះឆ្នោតសកលកាលពីថ្ងៃទី១៤ ខែឧសភាកន្លងទៅ ។
ទោះយ៉ាងណា លោក ប្រាយុទ្ធ នឹងនៅតែជានាយករដ្ឋមន្ត្រីចាំផ្ទះរហូតដល់រដ្ឋាភិបាលថ្មីត្រូវបានបង្កើតឡើង ក្រោយពេលដែលមេដឹកនាំគណបក្សចលនាឆ្ពោះទៅមុខ លោក ភីថា លីមចារើនរ៉ាត់ ទទួលបានសំឡេងគាំទ្រមិនគ្រប់គ្រាន់ឡើយដើម្បីក្លាយជានាយករដ្ឋមន្ត្រីក្នុងការបោះឆ្នោតជុំទី១ នៅក្នុងសម័យប្រជុំរួមគ្នានៃរដ្ឋសភា និងព្រឹទ្ធសភាកាលពីថ្ងៃព្រហស្បតិ៍ ប៉ុន្តែលោក ភីថា នៅរង់ចាំការបោះឆ្នោតជុំបន្ទាប់នាថ្ងៃទី១៨ ខែកក្កដានេះ ។
គួរបញ្ជាក់ថា ក្រៅពីលោក ប្រាយុទ្ធ ក៏មានលោកឧបនាយករដ្ឋមន្ត្រី និងជារដ្ឋមន្ត្រីក្រសួងសុខាភិបាល Anutin Charnvirakul និងលោកឧបនាយករដ្ឋមន្ត្រី Prawit Wongsuwan សុទ្ធតែរើអីវ៉ាន់ផ្ទាល់ខ្លួនចេញពីការិយាល័យនៅក្នុងវិមានរដ្ឋាភិបាល ៕
ប្រែសម្រួលដោយ ៖ ជីវ័ន្ត
ប្រភព ៖ The Nation Thailand
ចុចអាន ៖ លោក ភីថា នឹងចោលតំណែងនាយករដ្ឋមន្ត្រី បើនៅតែបរាជ័យក្នុងការ បោះឆ្នោតសភា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង