បុរសជនជាតិបារាំង ធ្លាក់ពីលើអគារ ៦៨ ជាន់ នៅទីក្រុងហុងកុង

លោក Remi Lucidi ដែលគេស្គាល់ថា Remi Enigma នៅតាមបណ្ដាញសង្គមអ៊ីនធឺណែត បាត់បង់ជីវិតដោយសារធ្លាក់ពីលើអគារ ៦៨ ជាន់ កម្ពស់ ២២០ ម៉ែត្រ នៅទីក្រុងហុងកុង ។

បុរសវ័យ ៣០ ឆ្នាំរូបនេះជាអ្នកថតរូប និងវីដេអូឡើងអគារខ្ពស់ៗជាច្រើនកន្លែងជុំវិញពិភពលោក ។ កាលពីថ្ងៃព្រហស្បតិ៍ ទី ២៧ ខែកក្កដា Remi បានឡើងទៅលើអគារ ៦៨ ជាន់នោះដើម្បីថតរូបដូចសព្វមួយដង ។ លោកកុហកសន្តិសុខថា ឡើងទៅសួរសុខទុក្ខមិត្តភ័ក្ដិនៅជាន់ទៅ ៤០ ប៉ុន្តែគាត់បែរជាជិះជណ្ដើរយន្តទៅជាន់ទី ៤៩ រួចឡើងជណ្ដើរជើងទៅជាន់ទី ៦៨ ទៅវិញ ។

ជាក់ស្ដែងទ្វារទៅកាន់ជាន់លើត្រូវបានចាក់សោរហើយ យ៉ាងណា Remi ធ្វើការទម្លុះចូលទៅទាល់តែបាន ។ ខណៈពេលធ្លាក់ពីលើភ្លាម Remi បានគោះទ្វារអគារ​លំនៅដ្ឋាន​ខ្ពស់នៅជាន់លើដើម្បីសុំជំនួយពីអ្នកបម្រើដែរ ប៉ុន្តែគេជួយសង្គ្រោះគាត់មិនទាន់ពេលវេលា ទើបធ្លាក់មកតែម្ដងទៅ ។

ពាក់ព័ន្ធនឹងករណីខាងលើ ស្ថាន​កុងស៊ុលបារាំងបានទទួលដំណឹងពីការស្លាប់របស់ Remi ហើយ ចំណែកឯប៉ូលិសវិញក៏កំពុងបន្តការស៊ើបអង្កេតបន្ថែមដែរ ៕

ប្រែសម្រួល៖ វារី

ប្រភព៖ dailymail

ចុចអាន៖ ស្ត្រីជនជាតិវៀតណាមម្នាក់ ធ្លាក់ពីលើអគារព្រីនស៍ផ្លាហ្សាស្លាប់ នៅមិនទាន់ដឹងមូលហេតុ

ចុចអាន៖ អគារការិយាល័យលក់ពេជ្រធំបំផុតលើលោក កំពុងរៀបចំបើកដំណើរការហើយ