វេជ្ជបណ្ឌិតមហារីកល្បីឈ្មោះនៅអាមេរិក ​សម្លាប់កូន និងខ្លួនឯង ក្នុងផ្ទះតម្លៃ ១ លានដុល្លារ

វេជ្ជបណ្ឌិតមហារីកម្នាក់ បានសម្លាប់កូន និងខ្លួនឯងនៅក្នុងផ្ទះតម្លៃ ១ លានដុល្លាររបស់នាងនៅតំបន់ Westchester ទីក្រុងញូវយ៉ក សហរដ្ឋអាមេរិក ដោយមិនដឹងមូលហេតុ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រី Krystal Cascetta វ័យ ៤០ឆ្នាំ ដែលជាអ្នកឯកទេសផ្នែកមហារីកដ៏ល្បីក្នុងទីក្រុងញូវយ៉ក ត្រូវប៉ូលិសរាយការណ៍ថា បានបាញ់សម្លាប់កូន និងខ្លួនឯងនៅវេលាម៉ោងប្រមាណ ៧ ព្រឹក ថ្ងៃសៅរ៍ ទី៥ ខែសីហា ក្នុងបន្ទប់គេងរបស់ទារក ។

យ៉ាងណាមិញ ប៉ូលិសមិនទាន់បញ្ចេញភេទ និងអាយុរបស់ទារកនៅឡើយទេ ប៉ុន្តែបើយោងតាមព័ត៌មានលើប្រព័ន្ធអ៊ីនធឺណិតបានឲ្យដឹងថា ទារករងគ្រោះ ទើបមានអាយុប្រហែល ៥ ខែប៉ុណ្ណោះ ។

ពាក់ព័ន្ធនឹងបញ្ហានេះដែរ ស្វាមីរបស់នាងគឺលោក Tim Talty អាយុ ៣៧ ឆ្នាំ ក៏មិនបានបញ្ចាក់ប្រាប់មូលហេតុនៃការសម្លាប់ខ្លួននេះផងដែរ ដោយសារតែលោកធ្វើចិត្តមិនទាន់បាន ទើបគាត់សុំពេលមួយរយៈសិនសម្រាប់ផ្ដល់ការសម្ភាសន៍ទាក់ទិននឹងរឿងរ៉ាវនេះ ៕

ប្រែសម្រួល៖ វារី

ប្រភព៖ dailymail

ចុចអាន៖ ស្ត្រី អាមេរិក ស្លាប់ដោយសារផឹកទឹកជិត២លីត្រក្នុងពេល ២០ នាទី