ព័ត៌មានអន្ដរជាតិ
គ្រួសារមួយប្រារព្ធខួបកំណើតក្នុងភោជនីយដ្ឋាននៅ អ៊ីតាលី ក្រោយគិតលុយហួសចិត្តគ្រប់គ្នា
ពេលដល់ថ្ងៃខួបកំណើត មនុស្សជាច្រើននឹងឆ្លៀតយកឱកាសនេះទៅប្រារព្ធនៅកន្លែងពិសេស ដើម្បីធ្វើឲ្យមានការភ្ញាក់ផ្អើលដូចជាការរៀបចំនំ រួមទាំងអំណោយផ្សេងៗ។ ទោះបីជាយ៉ាងណា គ្រួសារដែលធ្វើពិធីខួបកំណើតនៅភោជនីយដ្ឋានមួយក្នុងប្រទេសអ៊ីតាលី មានការស្រឡាំងកាំងយ៉ាងខ្លាំង នៅពេលឃើញថ្លៃសេវាកម្មលើវិក្កយបត្រ។
យោងតាមរបាយការណ៍របស់គេហទំព័រ New York Post នៅថ្ងៃទី១៤ ខែសីហា ឆ្នាំ ២០២៣ ក្រុមគ្រួសារបានសម្រេចចិត្តរៀបចំពិធីជប់លៀងដើម្បីអបអរសាទរនៅភោជនីយដ្ឋានមួយក្នុងទីក្រុង Palermo ដោយបញ្ជាទិញភីហ្សា រួមជាមួយស្រា, ស្រាបៀរ និងភេសជ្ជៈ មកជាអាហារសំខាន់លើកនេះ តម្លៃសរុបគឺ ១២១ អឺរ៉ូ (១៣១.៥០ដុល្លារ)។
យ៉ាងណាក៏ដោយ ក្រុមគ្រួសារដែលរៀបពិធីស្រឡាំងកាំងសឹងតែគ្រប់ៗគ្នា នៅពេលដែលបុគ្គលិកបង្ហាញវិក្កយបត្រ។ ព្រោះក្រៅពីភីហ្សា និងភេសជ្ជៈ រួមទាំងស្រាដែលផ្ញើដោយគ្រួសារ ក្នុងនោះក៏សរសេរថា “20 X Servizio Tort” ដែលមានន័យថាថ្លៃកាត់នំចំនួន ២០ បន្ទាប់ពីគ្រួសារយកនំមកផ្ទាល់ ហើយសុំឲ្យហាងកាត់វាជា២០ដុំ។ ការចំណាយសរុបនៃការកាត់នំគឺ២០ អឺរ៉ូ(២២ដុល្លារ)។
ព្រឹត្តិការណ៍នេះបានក្លាយជារឿងរ៉ាវលើអ៊ីនធឺណិតភ្លាមៗ។ យ៉ាងណាមិញ នេះមិនមែនជាលើកទីមួយទេ ដែលភោជនីយដ្ឋានក្នុងប្រទេសអ៊ីតាលីរងការចោទប្រកាន់អំពីការចំណាយដែលគួរឲ្យសង្ស័យ។ ស្របពេលដែលកាលពីពេលថ្មីៗនេះមានអ្នកទេសចរមួយរូបបង្ហោះរឿងរ៉ាវរបស់ខ្លួនចូលទៅកាន់គេហទំព័រមួយ បន្ទាប់ពីបានកត់សម្គាល់ឃើញថា ភោជនីយដ្ឋានដដែលបានគិតថ្លៃ២អឺរ៉ូបន្ថែមទៀត សម្រាប់ការកាត់នំសាំងវិចឲ្យនាងពាក់កណ្តាល។
ស្ត្រីមិនស្គាល់អត្តសញ្ញាណម្នាក់នេះ បានបញ្ជាទិញសាំងវិចបួសពីភោជនីយដ្ឋានមួយ ដើម្បីចែករំលែកជាមួយមិត្តភ័ក្តិ។ ប៉ុន្តែបន្ទាប់ពីញ៉ាំរួច នាងភ្ញាក់ផ្អើលនឹងវិក័យប័ត្រអាហារ។ នាងថា នាងមិនដែលសុំឲ្យភោជនីយដ្ឋានកាត់នំសាំងវិចពាក់កណ្តាលនោះទេ។ ប៉ុន្តែខាងហាងបានចេញមុខប្រកែក ដោយបង្ហាញថាត្រូវប្រើចានចំនួន ២ ជំនួស១។
ម្ចាស់ហាងបានចង្អុលបង្ហាញថា អតិថិជនមិនបានត្អូញត្អែរ ឬសាកសួរការចោទប្រកាន់ទេ ហើយថាពួកគេយកថ្លៃចំណាយលើវិក័យប័ត្រគ្រប់ៗគ្នា។ ប្រសិនបើអតិថិជនរាយការណ៍ពីបញ្ហាពួកគេនឹងកែតម្រូវ៕
ប្រែសម្រួល៖ សាង ស្រីល័ក្ខ
ចុចអាន៖នារីថៃមួយក្រុម នាំភាពអាម៉ាស់ដល់ប្រទេស ក្រោយរាំដាក់ Tik Tok លើរថភ្លើងនៅជប៉ុន
-
ព័ត៌មានជាតិ៦ ថ្ងៃ agoអភិបាលរាជធានី ណែនាំឱ្យអាជ្ញាធរយកចិត្តទុកដាក់ខ្ពស់ចំពោះគ្រួសារយុទ្ធជនជួរមុខនៅក្នុងមូលដ្ឋាន
-
សន្តិសុខសង្គម៣ ថ្ងៃ agoជនដៃដល់ចាប់ជំរិតក្មេងស្រីអាយុ ៥ ឆ្នាំ ទុកពេលឲ្យឪពុកម្តាយ ១ ម៉ោង ជាថ្នូរដូរយកលុយ ១ ម៉ឺនដុល្លារ តែអកុសលក្មេងរងគ្រោះបានស្លាប់
-
ព័ត៌មានអន្ដរជាតិ១៤ ម៉ោង agoលោក រូប៊ីយ៉ូ ជាប់ក្នុងបញ្ជីទណ្ឌកម្មចិន ចុះហេតុអ្វីបានអាចអមដំណើរ ត្រាំ ក្នុងក្រុងប៉េកាំង?
-
ព័ត៌មានជាតិ៥ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ១ ថ្ងៃ agoសមត្ថកិច្ចខេត្តកំពតបង្ក្រាបទីតាំងប្តូរសម្បកបាវស្ករសអក្សរថៃនាំចូលពីថៃ ទៅជាបាវអក្សរវៀតណាម ដើម្បីបំភាន់ភ្នែកសមត្ថកិច្ច និងចលនាពហិការផលិតផលថៃ
-
ព័ត៌មានអន្ដរជាតិ៧ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ៥ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៧ ថ្ងៃ agoខ្លាំងដូចការប្ដេជ្ញាមែន! ក្រុមបាល់ទះបឋមសិក្សាខេត្តព្រៃវែង ឈ្នះមេដាយមាស និងបិទដៃគូឲ្យបានតែជាង ១០ពិន្ទុប៉ុណ្ណោះ