ព័ត៌មានអន្ដរជាតិ

អភិបាលក្រុង បាងកក បញ្ជាឲ្យស៊ើបអង្កេតរូបចម្លាក់គ្រូកៃកែវ ក្រោយមហាជនជាច្រើនដាក់ពាក្យបណ្ដឹង

បានផុស

២ years មុន

នៅ

ថ្ងៃសៅរ៍ ១៩ សីហា ២០២៣

ដោយ

អភិបាលក្រុងបាងកក លោក Chadchart Sittipunt បញ្ជាឲ្យស៊ើបអង្កេតតាមច្បាប់ជាបន្ទាន់ និងប្រមូលពាក្យបណ្តឹងអំពីរូបចម្លាក់គ្រូកៃកែវ (Kru Kai Kaew) ក្រោយមហាជនជាច្រើនសម្ដែងការមិនពេញចិត្តនិងភ័យខ្លាចជាខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី១៨ ខែសីហា ឆ្នាំ២០២៣នេះ លោក Chatchart Sitthiphan ជាអភិបាលក្រុងបាងកក បាននិយាយរឿងរ៉ាវជុំវិញករណីរូបចម្លាក់លោកគ្រូ កៃ កែវ ដោយបានណែនាំឲ្យលេខាធិការអចិន្ត្រៃយ៍នៃទីក្រុងបាងកក តាមដានតាមច្បាប់ពាក់ព័ន្ធ។

លោកអភិបាលបាននិយាយបន្ថែមទៀតថា ដំបូងឡើយ គាត់មិនមានកំហុសក្នុងលក្ខខណ្ឌនៃច្បាប់ផ្សេងៗទេ ព្រោះវាជាតំបន់ឯកជន។ ប៉ុន្តែជាមួយនឹងកម្ពស់របស់រូបចម្លាក់ ប្រហែលជាត្រូវមើលដោយប្រុងប្រយ័ត្នក្នុងលក្ខខណ្ឌសុវត្ថិភាព រួមទាំងណែនាំដល់សាលាខណ្ឌឲ្យស៊ើបអង្កេត និងប្រមូលពាក្យបណ្ដឹង ឬកង្វល់ពីប្រជាពលរដ្ឋ ដើម្បីជួបពិភាក្សាជាមួយម្ចាស់រូបចម្លាក់ដែលបង្កបញ្ហា។

ទោះជាយ៉ាងណាក៏ដោយ បើរូបចម្លាក់បែបនេះបង្កការរំខាន មនុស្សអាចរាយការណ៍ពីបញ្ហាមួយនេះជាបន្ទាន់។ ចំពោះបញ្ហានេះ រដ្ឋបាលក្រុងបាងកក នឹងទទួលយកបញ្ហាមកពិចារណា រួមជាមួយនឹងច្បាប់ ឬបទប្បញ្ញត្តិផ្សេងៗ ដើម្បីរកវិធីដោះស្រាយឲ្យបានត្រឹមត្រូវ។

សូមបញ្ជាក់ឲ្យដឹងថា រូបចម្លាក់គ្រូកៃកែវ បានដឹកតាមរថយន្តធុនធ្ងន់មួយ បង្កឲ្យមានកក់ស្ទះដល់ទៅ២ម៉ោងក្នុងទីក្រុងបាងកក ខណៈដែលប្រជាជនថៃជាច្រើនដែលមានអប្បិយជំនឿអូមអាមសម្រុកទៅថ្វាយបង្គំសុំលាភសំណាង ជួយជំរុញជោគជ័យក្នុងអាជីព ពាណិជ្ជកម្មកាន់តែរីកចម្រើនខ្លាំងឡើងៗ៕