នារីម្នាក់គត់ ក្នុងយន្តហោះរបស់មេទាហានស៊ីឈ្នួលរុស្ស៊ី ជានរណា?

លោក Yevgeny Prigozhin មេទាហានស៊ីឈ្នួលរុស្ស៊ី Wagner ត្រូវបានគេជឿថា ស្លាប់ក្នុងហេតុការណ៍ធ្លាក់យន្តហោះ Embraer Legacy 600 មានលេខកន្ទុយ RA-02795 នៅប្រទេសរុស្ស៊ី កាលពីថ្ងៃពុធ ទី២៣ ខែសីហា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពី Prigozhin, ដៃស្តាំរបស់គាត់គឺលោក Dmitry Utkin ក៏មានឈ្មោះក្នុងបញ្ជីអ្នកដែលជិះយន្តហោះនោះដែរ។

សរុបទៅ មួយយន្តហោះនោះ មានមនុស្សជិះទាំងអស់១០នាក់ ពោលគឺអ្នកដំណើរ៧នាក់ និងបុគ្គលិកអាកាសយានិក៣នាក់។

ហើយអ្វីដែលគេកត់សម្គាល់បំផុតនោះគឺ ក្នុងចំណោមអ្នកទាំងអស់ មាននារីតែម្នាក់គត់។ នាងមានឈ្មោះ Kristina Raspopova ជានារីអូតែស។

មុនពេលឡើងយន្តហោះ នាងបានបង្ហោះរូបថតអាហារចុងក្រោយ លើបណ្តាញសង្គម X។ តាមសេចក្តីរាយការណ៍ នាងបានប្រាប់គ្រួសារថា យន្តហោះត្រូវពន្យារពេលហោះហើរ ដោយសារការត្រួតពិនិត្យបច្ចេកទេស និងការជួសជុល។

ទាក់នឹងហេតុការណ៍ធ្លាក់យន្តហោះខាងលើ មកទល់ពេលនេះ គេនៅមិនទាន់ដឹងថាតើបណ្តាលមកពីមូលហេតុអ្វីនោះទេ ថ្វីបើមន្ត្រីលោកខាងលិច ដាក់ការសង្ស័យខុសៗគ្នាក៏ដោយ។

ហើយគេក៏នៅមិនច្បាស់ផងដែរថាតើ មេទាហានស៊ីឈ្នួលរុស្ស៊ី និងគូកនរបស់គាត់ ពិតជាជិះក្នុងយន្តហោះនោះ ហើយស្លាប់មែនឬក៏អត់៕ 

ប្រែសម្រួល៖ Vann Vann

ប្រភព៖ Daily Mail

ចុចអាន៖ មន្ត្រីលោកខាងលិច លើកឡើងខុសៗគ្នា អំពីមូលហេតុនៃការធ្លាក់យន្តហោះ របស់មេទាហានស៊ីឈ្នួល រុស្ស៊ី