បុគ្គលិកអាកាសចរណ៍២រូបផ្ទុះការរិះគន់ ក្រោយធ្លាយឃ្លិបរាំរែកលើស្លាបយន្តហោះ

អ្នក​ដំណើរ​​ជាច្រើនហាក់មានការស្រឡាំងកាំង ក្រោយឃើញសមាជិកនៃក្រុមអាកាសយានិករបស់ Swiss International Air Lines របស់ស្វីស បានឈររាំរែកលើស្លាបយន្តហោះយ៉ាង​យ៉ាង​សប្បាយរីករាយ ខណៈឃ្លិបវីដេអូរបស់ពួកគេ​ត្រូវដំណើរលួចថត​ដោយ​ចៃដន្យ។

បើយោងតាមសារព័ត៌មាន Central European រាយការណ៍ថា ហេតុការណ៍នេះកើតឡើងនៅថ្ងៃទី២៦ សីហា ឆ្នាំ២០២៣ បន្ទាប់ពីអ្នកដំណើរនៅខាងក្នុងអគារបានថតវីដេអូ​ឃ្លិប​ប៉ុន្មាន​នាទី​បង្ហាញ​ឲ្យឃើញ​ពី​សកម្មភាព​របស់​អ្នកបម្រើ​លើ​យន្តហោះ និងនាវិកនៃក្រុមហ៊ុនអាកាសចរណ៍ថតរូបនិង​រាំនៅលើស្លាបយន្តហោះ Boeing 777 ធ្វើ​ដូចជាព្រះនាង Disney មុន​នឹង​គ្រវី​ដៃ​ឲ្យ​អ្នក​ទទួល​ភ្ញៀវ​ប្រុស​ដើរ​តាម​ ​ចេញ​ពី​ច្រក​ចេញ​សង្គ្រោះ​បន្ទាន់។

ពេល​នោះ​បុគ្គលិក​ប្រុស​ម្នាក់​បាន​ចេញ​មក​ឈរ​ក្បែរ​បុគ្គលិក​ស្រី ហើយធ្វើដូចជា​អ្នកហាត់ប្រាណ ក្នុង​ពេលដែលសមាជិកនាវិកប្រុសម្នាក់ទៀត​បង្ហាញខ្លួន​យ៉ាងច្បាស់ដើម្បីថតរូប។ សមាជិក​ពីរ​នាក់​នៃ​នាវិក​ជើង​គោកក៏ត្រូវបានគេថតរូបនៅពីមុខម៉ាស៊ីនរបស់​យន្តហោះផងដែរ។

យ៉ាងណាមិញ​ នៅពេលដែលវីដេអូ​របស់ពួកគេ​​បាន​ផ្សព្វផ្សាយ​ព្រោងព្រាត​លើ​បណ្តាញ​ រួមទាំងអ្នក​នៅក្នុង​ឧស្សាហកម្ម​អាកាសចរណ៍ ពួកគេ​បាន​ថ្កោលទោស​យ៉ាងខ្លាំងចំ​ពោះ​សកម្មភាព​ដ៏​គ្រោះថ្នាក់។ អាកប្បកិរិយា​បែបនេះ​មិនគួរកើតឡើងទេ។ ព្រោះ​អ្វី​ដែល​មើល​ទៅ​ហាក់​ដូច​ជា​សប្បាយ​ក្នុង​វីដេអូ​ តែ​អាចនឹងធ្វើឲ្យ​ស្លាប់​បាត់​បង់​ជីវិតក្នុង​មួយ​ពព្រិច​ភ្នែក។​

លើសពីនេះទៀតដែរ ស្លាប​យន្តហោះ​ Boeing 777 មាន​ប្រវែង​ប្រហែល​៥ម៉ែត្រ។​ ការ​ធ្លាក់​ពី​កម្ពស់​នោះ​មក​ដី​ខាងក្រោម​អាច​មាន​គ្រោះថ្នាក់ ហើយ​នាវិក​គួរ​តែ​ដើរ​លើ​ស្លាប​យន្តហោះ​ក្នុង​ពេល​មាន​អាសន្ន​ធ្ងន់ធ្ងរ​ ដូចជា​ការ​ជម្លៀស​ចេញ​ប៉ុណ្ណោះ។

ទោះយ៉ាងណាក៏ដោយ បុគ្គលិកក្រុមហ៊ុនអាកាសចរណ៍ រួមទាំងអនុប្រធាន Martin Knuchel បានអំពាវនាវឲ្យបញ្ចប់ការប្រព្រឹត្តខុសរបស់ពួកគេ​ ដោយបង្ហើប​ថា​គាត់​ខឹង​និង​ខក​ចិត្តណាស់។ សូម្បីតែសមាជិកនាវិកផ្សេងទៀតបានថ្កោលទោសសកម្មភាពរបស់សហសេវិករបស់ពួកគេ ស្ទើរតែមិនជឿថាវាជាការពិត។ ព្រោះ​ក្រៅ​ពី​គ្រោះថ្នាក់​ សកម្មភាពនេះ​ក៏បង្ហាញថា​គ្មាន​វិជ្ជាជីវៈក្នុងនាមជាបុគ្គលិកបម្រើការ៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖រឿងរ៉ាវដ៏ឈឺចាប់កើតឡើងលើគ្រួសារ ចិន ក្រោយកូនត្រូវចាប់ជំរិតកាលពី ១០ឆ្នាំមុន