ព័ត៌មានអន្ដរជាតិ

លោក ភិថា បញ្ជាក់រឿងស្នេហាម្ដងទៀតថា ទ្វារបេះដូងនៅតែបើកចំហ

បានផុស

២ years មុន

នៅ

ថ្ងៃចន្ទ ២៨ សីហា ២០២៣

ដោយ

លោក ភិថា លីមចារើនរ៉ាត់ បានបញ្ជាក់ច្បាស់ៗជាថ្មីម្ដងទៀតថា លោកពិតជាគ្មានគូស្នេហ៍ដូចពាក្យចចាមអារ៉ាមដែលលេចឮកន្លងមកនោះទេ ខណៈពេលនេះត្រូវមើលថែកូនស្រីជាចម្បង និងមិនបានបិទទ្វារបេះដូងឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី២៦ ខែសីហានេះ អំឡុងពេលដែលលោក ភិថា លីមចារើនរ៉ាត់ មេដឹកនាំគណបក្សចលនាឆ្ពោះទៅមុខ ធ្វើទស្សនកិច្ចនៅស្រុក Khao Chamao ខេត្ត Rayong ដើម្បីជួយ Yo-Phongsathorn Sornphetnarin បេក្ខជនមណ្ឌល៣ ធ្វើយុទ្ធនាការបោះឆ្នោតជ្រើសតាំងតំណាងរាស្ត្រដែលនឹងប្រព្រឹត្តទៅនៅថ្ងៃទី១០ ខែកញ្ញា។

យ៉ាងណាមិញ ក្រោយសម្រាកពីយុទ្ធនាការបោះឆ្នោត ក្រុមការងារគណបក្សនិងលោកបានឈប់នៅភោជនីយដ្ឋានក្បែរផ្លូវ ដើម្បីទទួលទានអាហារថ្ងៃត្រង់។ ដោយក្នុងនោះ លោកភិថាបានឆ្លៀតជជែកជាមួយអ្នកសារព័ត៌មានលើបញ្ហាផ្សេងៗ ព្រមទាំងចំណងមិត្តភាពផ្ទាល់របស់លោកផងដែរ។

ដោយសារតែជាឱកាសល្អ ទើបក្រុមអ្នកយកព័ត៌បានជជីកសួរពីរឿងស្នេហា ស្របពេលដែលមេដឹកនាំគណបក្យចលនាឆ្ពោះទៅមុខរូបនេះ បានប្រាប់ពួកគេថា អាចសួរលោកបានមិនថាជាបញ្ហានយោបាយបច្ចុប្បន្ន ឬផ្ទាល់ខ្លួននោះទេ

ជាមួយគ្នានោះដែរក្រុមអ្នកយកព័ត៌មានបានសួរចំៗពាក់ព័ន្ធនឹងបញ្ហាបេញដូង តើមកដល់ពេលនេះលោកគិតយ៉ាងម៉េចដែរ? បុរសវ័យ៤២ឆ្នាំរូបនេះបានឆ្លើយដោយមិនចាំបាច់គិតយូរថា “ខ្ញុំមិនបាននិយាយជាមួយអ្នកណាជាពិសេសទេ ឥឡូវនេះខ្ញុំនៅមានសេរីភាពនៅឡើយ។ មិនបានបិទទ្វារបេះដូង និងនៅតែជឿជាក់ថា ស្នេហាតែងតែស្រស់ស្អាតជានិច្ច”៕