គណបក្ស NLD បញ្ជាក់ច្បាស់ៗអំពីស្ថានភាពលោកស្រី ស៊ូជី ពេលនេះ

មេដឹកនាំមីយ៉ាន់ម៉ាលោកស្រី អ៊ុងសាន ស៊ូជី ត្រូវបានគេរាយការណ៍ថា “មានសុខភាពល្អ”បន្ទាប់ពីលោកស្រីត្រូវបានចាប់ខ្លួនក្នុងការវាយឆ្មក់ពេលព្រឹកព្រលឹម រួមជាមួយសមាជិកសភាដទៃទៀតនៅពេលយោធារធ្វើរដ្ឋប្រហារប្រឆាំងរដ្ឋាភិបាល។

លោកស្រីស៊ូជីនិងលោកប្រធានាធិបតី Win Myint ត្រូវបានចាប់ខ្លួនកាលពីព្រឹកថ្ងៃចន្ទ ពោលគឺត្រឹមតែប៉ុន្មានម៉ោងប៉ុណ្ណោះមុនពេលរដ្ឋាភិបាលទើបជាប់ឆ្នោត គ្រោងនឹងស្បថចូលកាន់តំណែងខណៈរថក្រោះ ទាហាននិងឧទ្ធម្ភាគចក្រត្រូវបានដាក់ពង្រាយនៅជុំវិញរដ្ឋធានី ណៃពិដោ។

ក្រុមឧត្តមសេនីយ៍បានបើកការវាយប្រហារចំពេលមានការភ័យខ្លាចថា លោកស្រីស៊ូជីនឹងប្រើ អាណត្តិថ្មីរបស់លោកស្រីដើម្បីធ្វើកំណែទម្រង់រដ្ឋធម្មនុញ្ញនិងដកអំណាចរបស់យោធា។

លោកស្រីស៊ូជីមិនត្រូវបានគេមើលឃើញទេ ចាប់តាំងពីលោកស្រីត្រូវបានឃុំខ្លួនកាលពីព្រឹកថ្ងៃចន្ទ ប៉ុន្តែអ្នកនាំពាក្យផ្លូវការរបស់គណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) បាននិយាយថា លោកស្រីកំពុងត្រូវបានឃុំឃាំងនៅឯគេហដ្ឋានផ្លូវការរបស់លោកស្រីហើយគាត់មានសុខភាពល្អ។

លោក Kyi Toe បានបង្ហោះក្នុងទំព័រ Facebook ផ្លូវការរបស់គាត់កាលពីថ្ងៃចន្ទថា “លោកស្រីមានសុខភាពល្អហើយដើរក្នុងបរិវេណផ្ទះជាញឹកញាប់”៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ អាកាសយានិកទាំងអស់ត្រូវគេប្រាប់កុំបើកយន្តហោះចូលប្រទេស មីយ៉ាន់ម៉ា ឲ្យសោះ