ពលរដ្ឋ វៀតណាម ត្រូវខំធ្វើការពី ៣ ទៅ ៤ ខែ ទើបគ្រប់លុយទិញ iPhone 15 Pro

យោងតាមរបាយការណ៍របស់វេទិកាពាណិជ្ជកម្មអេឡិចត្រូនិកអន្តរជាតិ Picodi បានឲ្យដឹងថា ជាមធ្យមពលរដ្ឋវៀតណាមក្នុងម្នាក់ត្រូវចំណាយពេលធ្វើការងារប្រហែល ៣ ទៅ ៤ ខែទើបគ្រប់លុយអាចទិញទូរស័ព្ទ iPhone 15 Pro មួយគ្រឿងយកទៅប្រើប្រាស់បាន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យពីការិយាល័យស្ថិតិទូទៅរបស់វៀតណាមបានបញ្ជាក់ថា ប្រាក់ខែជាមធ្យមសម្រាប់ប្រជាជនវៀតណាមក្នុងម្នាក់មានប្រហែល ៧ លានទៅ ១១ លានដុង (២៨៧ ទៅ ៤៥០ ដុល្លារ) ដូច្នេះពួកគេត្រូវធ្វើការពេញម៉ោងប្រមាណ ៩០ ថ្ងៃទៅ ១២០ ថ្ងៃ ដោយមិនត្រូវចំណាយប្រចាំថ្ងៃអ្វីទាំងអស់ ប្រសិនបើចង់ទិញទូរស័ព្ទ iPhone ។

បច្ចុប្បន្ន វៀតណាមស្ថិតក្នុងចំណោមប្រទេស និងដែនដីកំពូលទាំង ៥ ដែលមានប្រជាជនត្រូវចំណាយពេលធ្វើការច្រើនថ្ងៃ និងច្រើនខែបំផុតទើបអាចរកប្រាក់បានដើម្បីទិញទូរស័ព្ទ iPhone 15 Pro ទំហំ ១២៨ ជីហ្គាបៃ ដែលមានតម្លៃ ១,២០០ ដុល្លារ ។

គួរបញ្ជាក់ថា ក្រុមហ៊ុន Apple នឹងដាក់លក់ទូរស័ព្ទ iPhone ត្រកូល ១៥ ចំនួន ៤ ស៊េរីនៅក្នុងប្រទេសវៀតណាម ចាប់ពីថ្ងៃទី២៩ ខែកញ្ញា ជាមួយនឹងតម្លៃចាប់ពី ៩៤៥ ដុល្លារដល់ជិត ២,០០០ ដុល្លារ ៕

ប្រែសម្រួលដោយ ៖ ជីវ័ន្ត

ប្រភព ៖ VN Express