លោក បៃដិន នឹងធ្វើ​ទស្សនកិច្ច​អ៊ីស្រាអែល ចំពេលមានសង្គ្រាមជាមួយក្រុមហាម៉ាស់

នាយករដ្ឋមន្ត្រីអ៊ីស្រាអែល លោក Benjamin Netanyahu បានអញ្ជើញប្រធានាធិបតីអាមេរិក​លោក ចូ បៃដិន ឲ្យទៅប្រទេសរបស់លោកក្នុងសប្តាហ៍នេះ ក្នុងដំណើរទស្សនកិច្ចសាមគ្គីភាព ​ចាប់​តាំង​ពី​ការ​វាយ​ប្រហារ​របស់​ក្រុម​ហាម៉ាស់ ​កាលពីដើមខែនេះ ​ដែល​បាន​សម្លាប់​ប្រជាជន​អ៊ីស្រាអែល​ចំនួន ១៤០០ នាក់ និងបង្កជាសង្គ្រាម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ ដំណើរទស្សនកិច្ចនេះ ត្រូវបានបញ្ជាក់ដោយរដ្ឋមន្ត្រីក្រសួងការបរទេសលោក Antony Blinken ហើយបើតាមការបញ្ជាក់ពីលោក Netanyahu បានឲ្យដឹងថា លោកបាននិយាយទូរស័ព្ទ ៥ លើករួចមកហើយ ជាមួយលោក បៃដិន ចាប់តាំងពីសង្គ្រាមផ្ទុះឡើង ។

ដោយឡែក រដ្ឋមន្ត្រីការពារជាតិអាមេរិក Lloyd Austin និងរដ្ឋមន្ត្រីការបរទេស Antony Blinken បានទៅបំពេញទស្សនកិច្ចនៅអ៊ីស្រាអែលរួចទៅហើយ ដើម្បីបង្ហាញការគាំទ្រដោយផ្ទាល់ចំពោះបុព្វហេតុអ៊ីស្រាអែល។

កាលពីសប្តាហ៍មុន លោក Blinken បានប្រាប់មេដឹកនាំអ៊ីស្រាអែលថា “អាមេរិកនៅទីនេះ ហើយយើងមិនទៅណាទេ អាមេរិករង់ចាំជួយអ៊ីស្រាអែល ជានិច្ច”៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ថៃ ដឹកពលរដ្ឋខ្លួន ១៣០នាក់ទៀត ចេញពី អ៊ីស្រាអែល