មេក្រុមសកម្មប្រយុទ្ធចំនួន៣ ជួបប្រជុំគ្នា ដើម្បីរួមកម្លាំង បំបាក់អ៊ីស្រាអែល 

ប្រមុខក្រុមហេសបូឡារបស់ប្រទេសលីបង់ បានជួបជាមួយមេដឹកនាំកំពូលនៃក្រុមហាម៉ាស់ និងក្រុមជីហាតឥស្លាមប៉ាឡេស្ទីន (PIJ) ដើម្បីពិភាក្សាគ្នាអំពីថាតើ សម្ព័ន្ធភាពរបស់ពួកគេត្រូវធ្វើដើម្បីទទួលបានជ័យជម្នះពិតប្រាកដលើអ៊ីស្រាអែល សម្រាប់ការតស៊ូនៅក្នុងតំបន់ហ្គាហ្សា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំនេះ ត្រូវបានគេឃើញមានលោក Sayyed Hassan Nasrallah របស់ក្រុមហេសបូឡា អង្គុយជាមួយអនុប្រធានក្រុម ហាម៉ាស់ លោក Saleh al-Arouri និងប្រធានក្រុម ជីហាដឥស្លាម Ziad al-Nakhala នៅទីតាំងមួយដែលគេមិនបញ្ជាក់ច្បាស់។

រូបភាពដែលចេញផ្សាយដោយទូរទស្សន៍ al-Manar របស់ក្រុមហេសបូឡា បានបង្ហាញឲ្យឃើញលោក Nasrallah អង្គុយលើកៅអីម្នាក់ឯង ខណៈប្រធានក្រុម PIJ និងក្រុមហាម៉ាស់ អង្គុយនៅទល់មុខគាត់ លើសាឡុងដ៏វែងមួយ។

ក្នុងបន្ទប់ប្រជុំរបស់អ្នកទាំងបី ក៏ត្រូវបានគេឃើញមានការតុបតែងជាមួយរូបភាពរបស់អតីតមេដឹកនាំកំពូលអ៊ីរ៉ង់ Ruhollah Khomeini និងមេដឹកនាំបច្ចុប្បន្នឈ្មោះ Ali Khamenei ផងដែរ។

របាយការណ៍មួយរបស់ al-Manar បានឲ្យដឹងថា “កិច្ចប្រជុំនេះគឺជាការវាយតម្លៃអំពីថាតើ ពួកគេនឹងទទួលបានឋានៈអ្វីនៅលើឆាកអន្តរជាតិ និងត្រូវធ្វើបែបណាដើម្បីតស៊ូជាមួយអ៊ីស្រាអែល”។

កិច្ចប្រជុំនេះ រឹតតែបន្ថែមភាពភ័យខ្លាចថា ជម្លោះដ៏ជូរចត់រវាងអ៊ីស្រាអែល និងក្រុមហាម៉ាស់អាចបង្កឲ្យរីករាលដាល ក្លាយទៅជាសង្គ្រាមនៅទូទាំងតំបន់មជ្ឈិមបូព៌ា។

អ្នកជំនាញក៏បានព្រមានដែរថា តំបន់នេះកំពុងធ្លាក់ចូលទៅគែមនៃ មាត់ជ្រោះដ៏ជ្រៅបំផុត និងពោរពេញដោយគ្រោះថ្នាក់៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ កុមារប៉ាឡេស្ទីន សរសេរឈ្មោះនៅលើដៃ ដើម្បីឲ្យគេស្រួលកំណត់អត្តសញ្ញាណសព ពេលបាត់បង់ជីវិត