ប្រធានមន្ទីរពេទ្យមួយនៅប្រទេស ចិន ស្ថិតនៅក្រោមការស៊ើបអង្កេតពីបទ លក់សំបុត្រកំណើត

កាលពីថ្ងៃអង្គារ ទី៧ ខែវិច្ឆិកា ប្រព័ន្ធផ្សព្វផ្សាយរដ្ឋបានរាយការណ៍ថា ប្រធានមន្ទីរពេទ្យ Jianqiao នៅក្នុងខេត្ត Hubei របស់ប្រទេសចិនកំពុងស្ថិតនៅក្រោមការស៊ើបអង្កេតពីបទ លក់សំបុត្រកំណើត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាសែត Global Times រាយការណ៍ថា ករណីនេះបង្កឱ្យមានការវែកញែកពីសំណាក់មហាជនយ៉ាងច្របូកច្របល់ ។ ពួកគេគិតថា អតិថិជនប្រើសំបុត្រកំណើតដើម្បីចុះឈ្មោះកុមារដែលត្រូវបានចាប់ពង្រត់ ឬលាក់ខ្លួន និងកើតពីស្ត្រីពពោះជំនួស ព្រោះការពពោះជំនួសនៅប្រទេសចិនគឺខុសច្បាប់ ។

Global Times បានឲ្យដឹងថែមទៀតថា សម្រាប់សំបុត្រកំណើតនីមួយៗ លោកប្រធាននោះអាចរកប្រាក់បានដល់ទៅជាង ៨០០០ ដុល្លារឯណោះ ។ ពេលនេះគេហទំព័រមន្ទីរពេទ្យកំពុងស្ថិតក្រោមការថែទាំ ហើយគេរកមិនឃើញនូវលេខទំនាក់ទំនងក្នុងគណនី WeChat ឡើយ ។

ចំណែកឯគណៈកម្មការសុខាភិបាលនៃ Xiangyang បានបញ្ជូនក្រុមពិសេសមួយទៅកាន់មន្ទីរពេទ្យ Jianqiao កាលពីថ្ងៃចន្ទ ទី៦ ខែវិច្ឆិកា ដើម្បីស៊ើបអង្កេតបន្ថែម បន្ទាប់ពីទទួលបានដំណឹងខាងលើ ៕

ប្រែសម្រួល៖ វារី

ប្រភព៖ asianone

ចុចអាន៖ បច្ចេកវិទ្យាប្លែកៗទាំង ៦ ក្នុងប្រទេសចិន ដែលមនុស្សកម្របានឃើញ