Connect with us

ព័ត៌មានអន្ដរជាតិ

ប៉ាឡេស្ទីន អំពាវនាវដល់មេដឹកនាំពិភពលោកឲ្យប្រាប់ អ៊ីស្រាអែល បញ្ឈប់​សង្គ្រាមឥឡូវនេះភ្លាម

បានផុស

នៅ

នាយករដ្ឋមន្ត្រីប៉ាឡេស្ទីនលោក Mohammad Shtayyeh កាលពីថ្ងៃអង្គារបានអំពាវនាវជាបន្ទាន់ទៅដល់មេដឹកនាំពិភពលោកធ្វើយ៉ាងណាជំរុញឲ្យប្រទេសអ៊ីស្រាអែលបញ្ឈប់អំពើប្រល័យពូជសាសន៍ប្រឆាំងនឹងប្រជាជនរបស់គាត់ទៀតទៅ ។

លោក Mohammad Shtayyeh

លោក Shtayyeh បានធ្វើការកត់សម្គាល់នៅក្នុងបទសម្ភាសន៍ផ្តាច់មុខជាមួយទូរទស្សន៍ជប៉ុន NHK ថា “ការវាយប្រហាររបស់អ៊ីស្រាអែល គឺជាការរំលោភបំពានច្បាប់អន្តរជាតិ បើទោះបីជាសហរដ្ឋអាមេរិកកំពុងអំពាវនាវឲ្យមានបទឈប់បាញ់មនុស្សធម៌ក៏ដោយ ជាពិសេសសង្រ្គាមគួរតែបញ្ឈប់ឥឡូវនេះភ្លាម” ។

លោកនាយករដ្ឋមន្ត្រីបានលើកឡើងថា ស្ថានភាពសង្គ្រាមបច្ចុប្បន្ននៅក្នុងតំបន់តំបន់ហ្គាហ្សាស្ទ្រីបគឺ “មហន្តរាយខ្លាំងណាស់” ដោយសារតែមានការសម្លាប់រង្គាលជាហូរហែបានកើតឡើង ជាពិសេសអ្នករង​របួស​មិន​អាច​ចូល​សម្រាកនៅមន្ទីរពេទ្យ​បានឡើយ ស្របពេលដែល​មន្ទីរពេទ្យ​ក៏​គ្មាន​ថ្នាំ​ព្យាបាលទៅទៀត ។ អ្វីដែលសំខាន់ទៀតនោះ តំបន់ហ្គាហ្សាត្រូវការឡានដឹកជំនួយមនុស្សធម៌ ៥០០ គ្រឿងជារៀងរាល់ថ្ងៃ ទើបអាចចិញ្ចឹមប្រជាជន ផ្តល់ទីជម្រក និងទឹកផឹក” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាពតានតឹងថ្មី ក៏ដូចជាការសម្លាប់រង្គាលបានផ្ទុះឡើង ក្រោយពេលដែលកងទ័ពអ៊ីស្រាអែលបើកការវាយបកតាមផ្លូវអាកាស និងជើងគោកលើតំបន់ហ្គាហ្សាស្ទ្រីប បន្ទាប់ពីការវាយឆ្មក់ឆ្លងព្រំដែនពីសំណាក់ក្រុមហាម៉ាសកាលពីថ្ងៃទី៧ ខែតុលា ខណៈរហូតមកដល់ពេលនេះបានអូសបន្លាយពេល ១ ខែហើយ ។

ក្នុងការវាយប្រហារនោះដែរ យ៉ាងហោចណាស់មានជនជាតិប៉ាឡេស្ទីនលើស ១ ម៉ឺននាក់ រួមទាំងកុមារជាង ៤,២០០ នាក់ និងស្ត្រី ២,៧១៩ នាក់ត្រូវបានសម្លាប់ ដោយសារតែការទម្លាក់គ្រាប់បែករបស់អ៊ីស្រាអែលទៅលើតំបន់ហ្គាហ្សាស្ទ្រីប ខណៈយោងតាមតួលេខផ្លូវការ ចំនួនអ្នកស្លាប់ខាងអ៊ីស្រាអែលវិញគឺមានជិត ១,៥០០ នាក់ ។

ក្រៅ​ពី​ចំនួន​អ្នក​ស្លាប់ដ៏ច្រើនសន្ធឹកសន្ធាប់នេះ ក្រសួងសុខាភិបាលដែលគ្រប់គ្រងដោយក្រុមហាម៉ាស់បាននិយាយថា ការឆ្លើយតបរបស់អ៊ីស្រាអែលលើតំបន់ហ្គាហ្សា ក៏បានបណ្ដាលឲ្យមនុស្សជិត ២៦,០០០ នាក់ រងរបួសផងដែរ ខណៈប្រជាជន ២.៣ លាននាក់កំពុងខ្វះជំនួយមនុស្សធម៌ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ តើសង្គ្រាមរវាង អ៊ីស្រាអែល-ប៉ាឡេស្ទីន និងរុស្ស៊ី-អ៊ុយក្រែន មួយណាសម្លាប់ ជនស៊ីវិលច្រើនជាង?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម