ព័ត៌មានអន្ដរជាតិ
អ៊ីស្រាអែល នៅតែវាយប្រហារលើតំបន់ហ្គាហ្សា ទោះ អាមេរិក ឲ្យផ្អាកបាញ់ ៤ ម៉ោងរៀងរាល់ថ្ងៃក៏ដោយ
នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយនៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ថា “ការប្រយុទ្ធគ្នានៅតំបន់ហ្គាហ្សាស្ទ្រីបនឹងនៅតែបន្តកើតមាន បើទោះបីសហរដ្ឋអាមេរិកប្រកាសឲ្យមានការផ្អាកបាញ់ ៤ ម៉ោងជារៀងរាល់ថ្ងៃនៅតំបន់ភាគខាងជើងក៏ដោយ” ។
សេចក្ដីថ្លែងការណ៍នោះបានឲ្យដឹងទៀតថា បទឈប់បាញ់នៅក្នុងតំបន់ហ្គាហ្សាស្ទ្រីប គឺទាក់ទងនឹងការដោះលែងចំណាប់ខ្មាំងដែលចាប់ឃុំដោយក្រុមហាម៉ាស ហើយទោះយ៉ាងណា នឹងមិនមានបទឈប់បាញ់ឡើយ បើគ្មានការដោះលែងពលរដ្ឋរបស់យើងនោះ” ។
សេចក្តីថ្លែងការណ៍បានបន្ថែមថា “អ៊ីស្រាអែលកំពុងផ្តល់ច្រករបៀងសុវត្ថិភាពសម្រាប់ជនស៊ីវិលដែលលាតសន្ធឹងពីភាគខាងជើងទៅភាគខាងត្បូងនៃតំបន់ហ្គាហ្សាស្ទ្រីប ដែលតាមរយៈច្រកនោះ ពលរដ្ឋហ្គាហ្សាប្រមាណ ៥០,០០០ នាក់បានឆ្លងចូលរួចទៅហើយ” ។
ទន្ទឹមនោះ លោក Netanyahu ក៏បានអំពាវនាវឲ្យប្រជាជននៅតំបន់ហ្គាហ្សាធ្វើដំណើរទៅភាគខាងត្បូងផងដែរ បើទោះបីជាបច្ចុប្បន្ន អ៊ីស្រាអែលបន្តការវាយប្រហារទៅលើតំបន់ហ្គាហ្សាភាគខាងត្បូងក៏ដោយ ស្របពេលដែលរដ្ឋមន្ត្រីការពារជាតិអ៊ីស្រាអែលក៏បានលើកឡើងដែរថា បទឈប់បាញ់នៅហ្គាហ្សាគ្រាន់តែជាវិធានការក្នុងតំបន់ប៉ុណ្ណោះ ហើយនឹងមិនជះឥទ្ធិពលដល់ការប្រយុទ្ធគ្នាក្នុងសង្គ្រាមនោះទេ ។
អ៊ីស្រាអែលបាននិងកំពុងបង្កើនសកម្មភាពយោធារបស់ខ្លួន រួមទាំងការវាយប្រហារតាមអាកាស ប្រតិបត្តិការជើងគោក និងការទម្លាក់គ្រាប់បែក ជាពិសេសនៅតំបន់ភាគខាងជើងនៃតំបន់ហ្គាហ្សាស្ទ្រីប ជាកន្លែងដែលកងរថក្រោះរបស់អ៊ីស្រាអែលកំពុងរុលចូលទៅមុខ ។
យោងតាមក្រសួងសុខាភិបាលនៅតំបន់ហ្គាហ្សាបានឲ្យដឹងថា ជនស៊ីវិលជាង ១០,០០០ នាក់ត្រូវបានសម្លាប់ រួមទាំងកុមារជាង ៤,៤០០ នាក់ ចាប់តាំងពីជម្លោះថ្មីបានផ្ទុះឡើងកាលពីថ្ងៃទី៧ ខែតុលា បន្ទាប់ពីការវាយប្រហារឆ្លងព្រំដែនចូលអ៊ីស្រាអែលពីសំណាក់ក្រុមហាម៉ាស ដោយបានសម្លាប់មនុស្សជាង ១,៤០០ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ អ៊ីស្រាអែល យល់ព្រមផ្អាកបាញ់ ៤ម៉ោងក្នុងមួយថ្ងៃ នៅភាគខាងជើងតំបន់ ហ្គាហ្សា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត