អ៊ីស្រាអែលនិងក្រុមហាម៉ាស ដោះដូរចំណាប់ខ្មាំង-អ្នកទោស ជាលើកទី៣

អ៊ីស្រាអែល និងក្រុមឥស្លាមប៉ាឡេស្ទីនហាម៉ាស បានធ្វើការដោះដូរអ្នកទោស-ចំណាប់ខ្មាំងជាលើកទីបី ក្នុងអំឡុងពេលផ្អាកបាញ់។

កាលពីសប្តាហ៍មុន អ៊ីស្រាអែល និងក្រុមហាម៉ាស បានព្រមព្រៀងគ្នា ចំពោះការផ្អាកបាញ់រយៈពេលបួនថ្ងៃ ដែលចាប់ផ្តើមនៅថ្ងៃសុក្រទី២៤ខែវិច្ឆិកា។ ក្រោមកិច្ចព្រមព្រៀងនេះ ក្រុមហាម៉ាស សន្យាដោះលែងចំណាប់ខ្មាំងចំនួន៥០នាក់ រីឯអ៊ីស្រាអែលតម្រូវឲ្យដោះលែងជនជាតិប៉ាឡេស្ទីន១៥០នាក់ចេញពីពន្ធនាគារ។

ក្រុមហាម៉ាស បានដោះលែងចំណាប់ខ្មាំងចំនួន១៧នាក់ ដែលក្នុងនោះ មានជនជាតិអ៊ីស្រាអែល១៤នាក់ និងថៃ៣នាក់កាលពីថ្ងៃអាទិត្យ ខណៈដែលរដ្ឋាភិបាលអ៊ីស្រាអែលប្រកាសដោះលែងជនជាតិប៉ាឡេស្ទីន៣៩នាក់។

លើកទី៣នេះ ចំណាប់ខ្មាំង ត្រូវបានប្រគល់ទៅឲ្យកាកបាទក្រហមនៅភាគខាងជើងតំបន់ហ្គាហ្សា ខុសពីការផ្ទេរពីរលើកមុន ដែលបានកើតឡើងនៅភាគខាងត្បូងហ្គាហ្សា៕

ប្រែសម្រួល៖ Vann Vann

ប្រភព៖ NHK

ចុចអាន៖ ក្រុមហាម៉ាស ដោះលែងចំណាប់ខ្មាំង២៤ នាក់, អ៊ីស្រាអែល ដោះលែងអ្នកទោសប៉ាឡេស្ទីន ៣៩នាក់