Connect with us

ព័ត៌មានអន្ដរជាតិ

អ៊ីស្រាអែល អះអាងសម្លាប់សកម្មប្រយុទ្ធហាម៉ាស ៥ ពាន់នាក់ហើយ ដូច្នេះ​តើក្រុមនេះនៅសល់កម្លាំងប៉ុន្មានទៀត?

បានផុស

នៅ

កងកម្លាំងការពារអ៊ីស្រាអែល (IDF) បានអះអាង កម្ចាត់សកម្មប្រយុទ្ធមកពីក្រុមប្រដាប់អាវុធប៉ាឡេស្ទីនហាម៉ាសយ៉ាងហោចណាស់ ៥,០០០ នាក់ ចាប់តាំងពីផ្ទុះប្រតិបត្តិការវាយឆ្មក់ឆ្លងព្រំដែនចូលអ៊ីស្រាអែលកាលពីថ្ងៃទី៧ ខែតុលាមក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ កាសែត Washington Post ក៏បានឲ្យដឹងដែរថា ភាគច្រើននៃក្រុមប្រដាប់អាវុធប៉ាឡេស្ទីនហាម៉ាសដែលត្រូវកងកម្លាំងអ៊ីស្រាអែលកម្ចាត់ចោលក្នុងរយៈពេល ២ ខែមកនេះ គឺស្ថិតនៅតំបន់លាក់ខ្លួនផ្សេងៗគ្នា ជាពិសេសក្នុងផ្លូវរូងក្រោមដីនៅតំបន់ហ្គាហ្សាស្ទ្រីប ។

បើ​ទោះ​បី​ជាកងកម្លាំងអ៊ីស្រាអែល​បាន​កម្ចាត់ក្រុមហាម៉ាសប្រមាណ ​៥,០០០ ​នាក់​ក៏​ដោយ ក៏​ពួក​សកម្មប្រយុទ្ធ​មួយនេះនៅមានកម្លាំងទប់ទល់ប្រហែល ៣០,០០០ នាក់ទៀតផងដែរ ដោយសារតែពួកគេនៅមានបន្ទាយសំខាន់ៗមួយចំនួនទៀតដែលកងទ័ពជើងគោកអ៊ីស្រាអែលមិនទាន់រុលទៅដល់ ។

ពាក់ព័ន្ធនឹងបញ្ហានេះដែរ លោកវរសេនីយ៍ឯក Richard Hecht អ្នកនាំពាក្យរបស់ IDF បានបញ្ជាក់ថា យើងមិនខ្វល់ទេថាតើក្រុមប្រដាប់អាវុធហាម៉ាសនៅសល់គ្នីគ្នាប៉ុន្មាននាក់នោះ ដោយសារតែគោលដៅរបស់យើងគឺកម្ចាត់ក្រុមនេះឲ្យខ្ទេចគ្មានសល់ ស្របពេលប្រតិបត្តិការរបស់កងទ័ពអ៊ីស្រាអែលក៏កំពុងរុកទៅមុខនៅតំបន់ហ្គាហ្សាភាគខាងជើងផងដែរ ។

ភាពតានតឹងនៅមជ្ឈិមបូព៌ាបានផ្ទុះឡើងសាជាថ្មី បន្ទាប់ពីក្រុមប្រដាប់អាវុធប៉ាឡេស្ទីនហាម៉ាសបានបើកការវាយប្រហារដោយបាញ់គ្រាប់រ៉ុកកែតយ៉ាងសន្ធាប់ និងគួរឲ្យភ្ញាក់ផ្អើលចេញពីតំបន់ហ្គាហ្សាស្ទ្រីបមកលើទឹកដីនៃប្រទេសអ៊ីស្រាអែលដោយបានសម្លាប់មនុស្សប្រមាណ ១,២០០ នាក់ ។

ជាការឆ្លើយតប អ៊ីស្រាអែលបានបើកការវាយប្រហារទាំងតាមផ្លូវអាកាស និងផ្លូវគោកដោយមិនប្រណីដៃទៅលើតំបន់ហ្គាហ្សាស្ទ្រីប រួមទាំងមន្ទីរពេទ្យ កន្លែងស្នាក់នៅ និងវិហារឥស្លាមផងដែរ ដោយរហូតមកដល់ពេលនេះបណ្ដាលឲ្យជនស៊ីវិលជាង ១៦,២០០ នាក់ត្រូវបានសម្លាប់ ដោយក្នុងនោះភាគច្រើនជាកុមារ និងស្ត្រី ។

ក្រៅ​ពី​ចំនួន​អ្នក​ស្លាប់ដ៏ច្រើនសន្ធឹកសន្ធាប់នេះ ក្រសួងសុខាភិបាលដែលគ្រប់គ្រងដោយក្រុមហាម៉ាសបាននិយាយថា ការវាយប្រហារសងសឹករបស់អ៊ីស្រាអែលលើតំបន់ហ្គាហ្សា ក៏បានបណ្ដាលឲ្យមនុស្សជាង ៤៣,៦០០ នាក់ រងរបួសផងដែរ ខណៈប្រជាជន ២.៣ លាននាក់កំពុងខ្វះជំនួយមនុស្សធម៌ ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ ត្រឹមមួយយប់ប៉ុណ្ណោះ កងកម្លាំង អ៊ីស្រាអែល កម្ទេចគោលដៅរបស់ក្រុម ហាម៉ាស ២០០ កន្លែង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម