នៅថ្ងៃបុណ្យឯករាជ្យ យោធាមីយ៉ាន់ម៉ាប្រកាសលើកលែងទោសដល់អ្នកទោសជាង ២៣,០០០ នាក់

ឯកសារមួយបាននិយាយថា អាជ្ញាធរយោធានៅក្នុងប្រទេសមីយ៉ាន់ម៉ាបានចេញបទបញ្ជាលើកលែងទោសដល់អ្នកទោសជាង ២៣,០០០ នាក់ក្នុងនោះមានពលរដ្ឋបរទេស ៥៥ នាក់ ។

ការលើកលែងទោសត្រូវបានប្រកាសនៅថ្ងៃសុក្រនេះ នៅពេលមីយ៉ាន់ម៉ាប្រារព្ធខួបលើកទី ៧៤ នៃថ្ងៃបុណ្យឯករាជ្យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមការចេញផ្សាយដោយកាសែត Global New Light of Myanmar បានឲ្យដឹងថា “នៅពេលសាធារណរដ្ឋសហភាពមីយ៉ាន់ម៉ាកំពុងបង្កើតរដ្ឋប្រជាធិបតេយ្យថ្មីមួយដោយសន្តិភាព ការអភិវឌ្ឍ និងវិន័យដើម្បីប្រែក្លាយអ្នកទោសឲ្យទៅជាពលរដ្ឋសមរម្យ ដើម្បីផ្គាប់ចិត្តសាធារណជន និងបង្កើតមូលដ្ឋានមនុស្សធម៌ និងមេត្តាករុណា ក្រុមប្រឹក្សារដ្ឋក្នុងមាត្រា ២០៤ នៃរដ្ឋធម្មនុញ្ញរដ្ឋបានចេញបទបញ្ជាលើកលែងទោសចំពោះការដាក់ទណ្ឌកម្មដែលបានទទួលនៅមុនថ្ងៃឈប់សម្រាកទី ៤ នៃទិវា Pyatho 1382 ME ចំពោះបទល្មើសណាមួយ ។

ឯកសារនេះត្រូវបានចុះហត្ថលេខាដោយប្រធានក្រុមប្រឹក្សារដ្ឋលោកស្រី អ៊ុងសាន ស៊ូជី ។ ស្របតាមក្រឹត្យនេះអ្នកទោសចំនួន ២៣,៣១៤ នាក់នឹងត្រូវដោះលែង ។

ឯកសារនេះត្រូវបានចេញផ្សាយ បន្ទាប់ពីរដ្ឋប្រហារមួយនៅប្រទេសមីយ៉ាន់ម៉ាកាលពីថ្ងៃទី ១ ខែកុម្ភៈ ។ កម្លាំងប្រដាប់អាវុធបានចាប់ឃុំខ្លួនសមាជិកជាន់ខ្ពស់នៃសភាដែលបានជាប់ឆ្នោតថ្មីមុនពេលដែលត្រូវកោះប្រជុំសម្រាប់សម័យប្រជុំដំបូងរបស់ខ្លួន ។

យោធាបានប្រកាសដាក់ប្រទេសក្នុងស្ថានភាពអាសន្នរយៈពេលមួយឆ្នាំពេញដោយសន្យាថានឹងរៀបចំការបោះឆ្នោតថ្មីមួយបន្ទាប់ពីវាអស់សុពលភាព ។ បន្ទាប់ពីឡើងកាន់តំណែង ប្រទេសមីយ៉ាន់ម៉ាបានប្រឈមនឹងរលកនៃការតវ៉ាក្នុងការគាំទ្រដល់រដ្ឋាភិបាលដែលបានដួលរលំ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ សហរដ្ឋអាមេរិកដាក់ទណ្ឌកម្មមន្ត្រីយោធាមីយ៉ាន់ម៉ា ១០ រូបពីបទធ្វើរដ្ឋប្រហារ

ចុចអាន ៖ គណៈកម្មាធិការតំណាងសភាមីយ៉ាន់ម៉ាចាត់វិធានការប្រឆាំងប៉ូលិសបាញ់គ្រាប់ពិតចំក្បាលបាតុករ