ព័ត៌មានអន្ដរជាតិ
ទាហាន អ៊ីស្រាអែល មិនត្រឹមវាយសន្ធាប់លើតំបន់ហ្គាហ្សាទេ ថែមទាំងលួចលុយ មាសចេញពីទឹកដីមួយនេះទៀត
ការិយាល័យប្រព័ន្ធផ្សព្វផ្សាយនៅក្នុងតំបន់ហ្គាហ្សាបាននិយាយកាលពីថ្ងៃអាទិត្យថា កងទ័ពអ៊ីស្រាអែលមិនត្រឹមតែបើកការវាយសន្ធាប់ចូលមកកាន់តំបន់ហ្គាហ្សាស្ទ្រីបប៉ុណ្ណោះទេ កម្លាំងទ័ពរបស់លោកនាយករដ្ឋមន្ត្រី Benjamin Netanyahu ថែមទាំងបានលួចលុយ មាស និងវត្ថុបុរាណក្នុងទំហំទឹកប្រាក់ជិត ២៥ លានដុល្លារចេញពីទឹកដីមួយនេះផងដែរ ។
យោងតាមការចុះផ្សាយរបស់សារព័ត៌មាន Anadolu បានឲ្យដឹងថា “សាក្សីរាប់សិននាក់ដែលជាអ្នករស់នៅក្នុងតំបន់ហ្គាហ្សាស្ទ្រីបបានផ្ដល់ចម្លើយដូចៗគ្នាទាក់ទងទៅនឹងការលួចលុយ មាស និងវត្ថុបុរាណពីសំណាក់កម្លាំងទ័ពអ៊ីស្រាអែលក្នុងទំហំទឹកប្រាក់សរុបចំនួន ២៤.៥ លានដុល្លារក្នុងរយៈពេលជាង ៩០ ថ្ងៃកន្លងមកនេះ” ។
ការិយាល័យខាងលើបានរ៉ាយរ៉ាប់ទៀតថា “ប្រតិបត្តិការចោរលួចគឺធ្វើឡើងទៅតាមវិធីផ្សេងៗគ្នា ដោយទីមួយគឺដាក់មុខព្រួញលើប៉ុស្តិ៍យោធា ដូចជានៅផ្លូវ Salah al-Din ជាកន្លែងដែលទាហានអ៊ីស្រាអែលលួចលុយ មាស និងវត្ថុបុរាណពីជនភៀសខ្លួន ដែលជម្លៀសពីភាគខាងជើងតំបន់ហ្គហ្សាស្ទ្រីបទៅកាន់ភាគខាងត្បូង” ។
ការិយាល័យប្រព័ន្ធផ្សព្វផ្សាយបានបន្ថែមថា “វិធីសាស្រ្តលួចមួយផ្សេងទៀត គឺពាក់ព័ន្ធនឹងការគាស់ផ្ទះរបស់អ្នកស្រុកដែលត្រូវបានជម្លៀសចេញពីទីក្រុង Beit Lahia ភាគខាងជើងតំបន់ហ្គាហ្សា ហើយពួកគេក៏មានព័ស្តុតាងពីសកម្មភាពទាំងនោះផងដែរដូចជា រូបថត និងវីដេអូឃ្លីបដែលបង្ហោះនៅលើគណនីប្រព័ន្ធផ្សព្វផ្សាយសង្គមរបស់ពួកគេ ។
គួរបញ្ជាក់ថា អ៊ីស្រាអែលបានបើកការវាយប្រហារយ៉ាងមិនប្រណីដៃទាំងតាមផ្លូវអាកាស និងដីគោកលើតំបន់ហ្គាហ្សាស្ទ្រីប ដោយបានសម្លាប់ជនជាតិប៉ាឡេស្ទីនដល់ ២២,៧២២ នាក់ ដែលភាគច្រើនជាកុមារ និងស្ត្រី ហើយជាង ៥៨,០០០ នាក់ផ្សេងទៀតរងរបួស ដើម្បីជាការសងសឹកចំពោះការវាយឆ្មក់របស់ក្រុមហាម៉ាសក្នុងព្រឹត្តិការណ៍ ៧ តុលា ។ ចំណែកខាងអ៊ីស្រាអែលវិញមានមនុស្សជិត ១,២០០ បានបាត់បង់ជិវិត ខណៈចំណាប់ខ្មាំងជាង ១៣០ នាក់នៅតែស្ថិតក្នុងកណ្ដាប់ដៃក្រុមហាម៉ាសដដែល ៕
ប្រែសម្រួលដោយ ៖ ជីវ័ន្ត
ចុចអាន ៖ ក្រុមហេសបូឡា បាញ់រះរ៉ុកកែតជាង ៦០ គ្រាប់ហោះទៅបន្ទាយទ័ពអាកាស អ៊ីស្រាអែល
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ